Memlekettik qyzmette jastardyń úlesi qansha

ASTANA. QazAqapart - Búginde memlekettik qyzmetshilerdiń árbir tórtinshisi - 29 jasqa deıingi jas maman. Bul týraly «QazAqparat» HAA-ǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginen habarlady.

Atap aıtqanda, «Memlekettik jastar saıasaty týraly» Zańnyń 1-baby 3-tarmaqshasyna sáıkes, jastar dep Qazaqstan Respýblıkasynyń on tórt jastan jıyrma toǵyz jasqa deıingi azamattary tanylady.

«Qazirgi tańda jastardyń memlekettik qyzmetke qyzyǵýshylyǵy óte joǵary deýge bolady, ony osy baǵyttaǵy kórsetkishter rastaıdy. 2016 jyly ótkizilgen konkýrstyń barlyq (28 690 úmitkerdiń) qatysýshysynyń 66,4 paıyzy (19 072 adam) jáne 11 165 taǵaıyndalǵan adamnan 6 828-i (61,1%) 29 jasqa deıingi azamattar boldy.

Al 2017 jyly ótkizilgen konkýrsqa (31 952 úmitkerdiń) qatysýshylardyń 65,7 paıyzy (20 996 adam) jáne 12 274 taǵaıyndalǵan adamnyń 7632-si (62,1%) jastar qatarynan alyndy», - delingen agenttik málimetinde.

Jalpy, búgingi kúni memlekettik qyzmetshilerdiń árbir tórtinshisi - 29 jasqa deıingi maman. ıAǵnı barlyǵy  91 830 qyzmetshiniń 23 601-i nemese naqty sannyń 25,7 paıyzy jastar bolyp otyr.