Memlekettik qyzmette bonýsty «tańdaýly» ári «tıimdi» qyzmetshiler alady
«Búgingi kúni memlekettik qyzmetshilerge jalaqy tóleýdiń jańa júıesi engizilýde. Ol turaqty jáne turaqsyz dep atalatyn eki negizgi bólikten turady. Turaqty faktorlyq-baldyq shkalaǵa negizdelgen laýazymdy bólý degendi bildiredi. ıAǵnı, laýazymdy ıelený deńgeıi memlekettik organnyń strategııalyq maqsattaryna qol jetkizýge qandaı úles qosatyndyǵyna baılanysty bolady. Búgingi kúni jalaqy jumys ótili men ıelenip otyrǵan laýazymynyń sanatyna baılanysty bolsa, al jańa júıe memlekettik qyzmetshiniń qalaı jumys isteıtindigine jáne onyń memlekettik qyzmetke qosqan úlesine baılanysty jalaqysynyń kólemin saralaýǵa múmkindik beredi. Al turaqsyz jalaqyǵa qatysty aıtar bolsaq, bul rette bonýs engizý jaıynda sóz bolyp otyr. Bonýs taǵaıyndaý júıesi memlekettik qyzmettegi jumysty baǵalaýǵa baılanysty bolady. Ol toqsan saıyn júrgiziledi. Sońǵy nátıje - memlekettik qyzmetshiniń qyzmetiniń jyldyq baǵasy. Ol onyń nátıjeliligi men bonýs aýdarý máselesin sheshýge yqpal etedi», - dedi agenttik tóraǵasynyń orynbasary.
Onyń aıtýynsha, bonýsty «tańdaýly» ári «tıimdi» qyzmetkerler alady. Jalpy memlekettik qyzmetshilerdiń qyzmet nátıjesi «tańdaýly», «tıimdi», «qanaǵattanarlyq» jáne «tıimsiz» bolyp 4 sanatqa bólinedi.
«Bonýsty «tańdaýly» jáne «tıimdi» qyzmetkerler alady dep josparlap otyrmyz. Bul júıe talqylanýda. Júıeni beıimdeý kelesi jyly 3 memlekettik organda ilki joba retinde júrgiziletin bolady. Birinshi memlekettik organ - Memleket basshysyna esep beretin bizdiń agenttik. Ekinshisi Úkimetke esep beretin organ bolmaq. Qazirgi ýaqytta ol Ádilet mınıstrligi bolady degen sheshim bar. Úshinshisi - jergilikti atqarýshy organ. Aldyn ala málimetke sáıkes - ol Almaty oblysynyń ákimdigi», - dedi A.Shaımova.