Memlekettik qyzmetshilerge daktıldi jáne ymmen sóıleý tili oqytylmaq

NUR-SULTAN. QazAqparat - QR Prezıdentiniń janyndaǵy Memlekettik basqarý akademııasynyń Soltústik Qazaqstan oblysy boıynsha fılıalynda memlekettik qyzmetshilerdi daktıldi jáne ymdaý tiline oqytý boıynsha qanatqaqty joba iske qosyldy. Joba "Ideıalar fabrıkasy" dástúrli alań aıasynda júzege aspaq, dep habarlaıdy QazAqparat tilshisi.

«Memlekettik basqarý akademııasy men QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Ideıalar fabrıkasy» breınstormıng jobasy endi tek Akademııada ǵana emes, onyń fılıaldarynda da qarqyn alýda. ıAǵnı búkil el boıynsha memlekettik basqarý júıesin jaqsartý maqsatynda naqty jobalardy odan ári iske asyrý úshin ıdeıalardy irikteý jalǵasýda. Osy oraıda «Ideıalar fabrıkasy» aıasynda akademııanyń SQO boıynsha fılıalynda «B» korpýsynyń memlekettik ákimshilik basshy laýazymyna alǵash taǵaıyndalǵan memqyzmetshilerge arnalǵan 3 aptalyq qaıta daıarlaý kýrstarynan ótken fılıal tyńdaýshylary óz jobalaryn qorǵady», - delingen akademııa málimetinde.

Sonymen qatar, QR Prezıdentiniń janyndaǵy Memlekettik basqarý akademııasynyń SQO boıynsha fılıalynyń jeke jobasyn iske asyrý nátıjeleri usynyldy. Joba akademııanyń 25 jyldyq mereıtoıyn merekeleýge arnalǵan 25 áleýmettik joba aıasynda agenttiktiń SQO boıynsha departamentimen birlesip júzege asyryldy.

Bul jobany engizýge oblysta ártúrli dárejedegi estý qabileti nashar 1030 adam turatyny negiz boldy, olar sapaly memlekettik qyzmet kórsetýdi qajet etedi. Sondyqtan kórsetiletin qyzmetti berýshiler memlekettik qyzmetter kórsetý salasyndaǵy qyzmetkerlerdiń biliktiligin arttyrýǵa, sondaı-aq erekshe qajettilikteri bar adamdarmen qarym-qatynas jasaý daǵdylaryna úıretýge mindetti.

Osyǵan oraı, akademııa fılıalynyń bazasynda halyqqa qyzmet kórsetetin azamattyq jáne memlekettik qyzmetshiler arasynda qarym-qatynas daǵdylary men ymdaý tilin qoldaný boıynsha kýrstar uıymdastyrylyp, ótkizildi. Jalpy kólemi 30 saǵat bolatyn barlyǵy 10 sabaq ótkizildi, oǵan SQO boıynsha «Azamattarǵa arnalǵan úkimet» memlekettik korporatsııasy» KEAQ, SQO boıynsha Memlekettik kirister departamenti, SQO ákimdiginiń Jumyspen qamtýdy úılestirý jáne áleýmettik baǵdarlamalar basqarmasynan jáne Eńbek, áleýmettik qorǵaý jáne kóshi-qon komıtetiniń SQO boıynsha departamentinen qyzmetshiler qatysty.

«Joba komandasynyń qatysýshylary osy daǵdylardy meńgerý estý qabileti nashar adamdarǵa qatysty memlekettik qyzmet kórsetý sapasyn jaqsartýǵa alyp keletinine senimdi. Anyqtalǵan nátıjelilik negizinde fılıal bazasynda halyqqa qyzmet kórsetetin memlekettik jáne azamattyq qyzmetshilerdi oqytýdy jalǵastyrý josparlanýda. Joba maquldanyp, elimizdiń barlyq aımaqtarynda júzege asyrýǵa usynyldy», - deıdi akademııa mamandary.