Memlekettik qyzmetshilerge arnalǵan konkýrstyq rásimder 14 kúnge qysqartylady

NUR-SULTAN. QazAqparat – Memlekettik qyzmetshilerge arnalǵan konkýrstyq rásimderdi ońtaılandyrý eskerilip otyr. Búgin Parlament Májilisinde tıisti zań jobasyn tanystyrý barysynda QR Memlekettik qyzmet isteri agenttigi tóraǵasynyń orynbasary Marat Dáýeshev málim etti, dep habarlaıdy QazAqparat tilshisi.

«Arnaıy tekserýdi júrgizý kezeńin memlekettik qyzmet eńbek ótiline qosý usynylyp otyr. Bul atalǵan adamdar laýazymdyq mindetterdi is júzinde atqaratyndyǵyna jáne olarǵa memlekettik qyzmetshilerge kózdelgen barlyq shekteýler qoldanylatyndyǵyna baılanysty usynylady», - dedi ol.

Budan bólek, konkýrstyq rásimderdi ońtaılandyrý usynyldy.

«Atap aıtqanda, 3 kezeńdik konkýrstyq irikteýden 2 kezeńdik konkýrstyq irikteýge kóshý pysyqtaldy. ıAǵnı barlyq memlekettik organdardyń memlekettik qyzmetshileri arasyndaǵy 2-shi ishki konkýrsty jáne jalpy konkýrsty biriktirý usynylady. Bul konkýrstyq rásimder ýaqytyn 14 jumys kúnine (46-dan 32 kúnge deıin) qysqartýǵa jáne bos jumys oryndaryn toltyrýdyń jedeldigin arttyrýǵa múmkindik beredi», - dep túsindirdi Marat Dáýeshev.

Budan buryn habarlanǵandaı, Májiliste Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasy tynystyryldy.