Memlekettik qyzmetshiler ózderine tartý etilgen 438 syılyqty memleketke tapsyrdy
«2022 jyly jáne 2023 jyldyń birinshi jartyjyldyǵynda Qazaqstan Respýblıkasynyń Sybaılas jemqorlyqqa qarsy is-qımyl týraly zańnamasyna sáıkes ózine sybaılas jemqorlyqqa qarsy shekteýlerdi qabyldaıtyn adamdar komıtettiń aýmaqtyq bólimshelerine 438 dana syılyqty tapsyrdy. 438 syılyqtyń ishinde 188 syılyq aýktsıon arqyly satyldy. Aýktsıon arqyly satylǵan eń baǵaly syılyq «Iphone 13» markaly telefon 327 079 teńgege saýdalandy», - dep atap ótedi Qarjy mınıstrligi Memlekettik múlik jáne jekeshelendirý komıtetinen agenttiktiń resmı saýalyna oraı.
Aıta keteıik, memlekettik qyzmetshilerge nemese «Sybaılas jemqorlyqqa qarsy is-qımyl týraly» Qazaqstan Respýblıkasynyń Zańyna sáıkes ózine sybaılas jemqorlyqqa qarsy shekteýler qabyldaıtyn ózge de adamdarǵa jáne olardyń otbasy múshelerine hattamalyq jáne basqa da resmı is-sharalar kezinde berilgen (tabys etilgen) syılyqtar memleketke berilgen syılyqtar bolyp esepteledi. Bul syılyqtar Qazaqstan Respýblıkasynyń zańnamasynda aıqyndalǵan tártippen jáne merzimderde olardy memlekettik múlik jónindegi ýákiletti organǵa óteýsiz berý arqyly memlekettik múliktiń quramyna túsedi. Syılyqtardy satýdan túsken aqsha respýblıkalyq bıýdjetke aýdarylady.