Memlekettik qyzmetke ornalasýda qazaq tilin bilý talaby engizilýi múmkin

ASTANA. QazAqparat – Memleket qyzmetine ornalasý kezinde úmitkerge qazaq tilin bilý talaby qoıylýy múmkin. Bul týraly Ortalyq kommýnıkatsııalar qyzmetinde ótken brıfıngide Memlekettik qyzmet isteri agenttigi tóraǵasynyń orynbasary Azamat Jolmanov aıtty, dep habarlaıdy QazAqparat tilshisi.

«Qazir memlekettik qyzmetshige azamat ótinish bergen tilde jaýap berýi kerek degen talap qoıylady. Ol úshin biz jumys jasap jatyrmyz. Búgingi tańda Memlekettik basqarý akademııasyna magıstratýra jáne doktorantýra baǵdarlamalary boıynsha oqýǵa túsý úshin qoıylatyn sharttardyń biri – azamattyń memlekettik tildi meńgerýi orta deńgeıden tómen bolmaýy tıis.

Sondaı-aq Prezıdenttik jastar kadr rezervine irikteý kezinde memlekettik tildi meńgerý týraly talap bekitildi. Qazirgi ýaqytta biz memlekettik qyzmetke ornalasý kezinde qazaq tilin mindetti bilý talabyn engizý máselesin talqylap jatyrmyz. Eger bul talap bekitiletin bolsa, ony qosymsha habarlaımyz», - dedi Azamat Jolmanov.

Spıker memlekettik qyzmetshilerdiń qazaq tildi meńgerý máselesi keıingi ýaqytta qoǵamda qyzý talqylanyp júrgenin atap ótti. Onyń aıtýynsha, qyzmetshiler qoǵam talabyna saı ózderiniń kásibı daǵdylaryn jetildirip otyrýy tıis.

Foto: ortcom.kz