Memlekettik qyzmetke ornalasý testi endi 9 emes, 4 zań boıynsha alynady

ASTANA. QazAqparat – Memlekettik qyzmetke ornalasý úshin irikteý konkýrsyna qatysatyn úmitker synaqtyń 4 kezeńinen ótedi. Bul týraly Memlekettik qyzmet isteri agenttigi tóraǵasynyń orynbasary Azamat Jolmanov aıtty, dep habarlaıdy QazAqparat tilshisi.

Spıker usynǵan málimetke saı, testileý júrgiziletin normatıvtik-quqyqtyq aktilerdiń sany 9-dan 4-ke deıin qysqartylǵan. Sondaı-aq, irikteý konkýrsyna qatysatyn úmitker kelesi kezeńderden ótedi:

1. Jeke qasıetterin baǵalaý;

2. Mátindik jáne sandyq aqparatpen (SHL) jumys isteý qabiletin baǵalaý;

3. Esse jazý;

4. Memlekettik organnyń konkýrstyq komıssııasynda áńgimelesýden ótý.

Azamat Jolmanov aıtýynsha, úmitkerlerdi laýazymǵa jańa júıemen irikteý 1 naýryzda bastalady.