Memlekettik qyzmetke ornalasý kezinde konkýrstyq rásimder ótkizý merzimi 13 jumys kúnine qysqartyldy

ASTANA. QazAqparat - 2016 jylǵy 19 maýsymda Memlekettik qyzmet isteri mınıstriniń №104 buıryǵymen «B» korpýsynyń ákimshilik memlekettik laýazymyna ornalasýǵa konkýrs ótkizý erejelerine ózgerister engizildi.

Mınıstrliktiń baspasóz qyzmetiniń habarlaýynsha, bul ózgerister Birinshi ınstıtýtsıonaldyq reformany júzege asyrý jónindegi vedomstvoaralyq jumys tobynyń otyrysynda maquldandy. Olar konkýrstyq komıssııalardyń jumysyn jetildirýge, sondaı-aq konkýrs ótkizý merzimderin ońtaılandyrýǵa baǵyttalǵan.

Engizilgen túzetýlerge sáıkes, ortalyq memlekettik organdardy qospaǵanda, memlekettik organdarǵa konkýrstyk komıssııalar qurýǵa ruqsat beriledi. Onyń quramyna keminde bes adam tartylýy múmkin. Biraq, olardyń endi túrli qurylymdyq bólimshelerge mindetti qatynasy joq bolsa da jaraıdy.

Bul jańalyq aýdandyq jáne aýyldyq deńgeıdegi memlekettik organdarda qurylymdyq bólimshelerdiń jetkiliksizdiginiń saldarynan týyndaıtyn konkýrstyq komıssııa qurý máselesin sheshýge múmkindik beredi.

Sonymen birge, memlekettik apparattyń úzdiksiz jumysyn jáne bos laýazymdardyń ornyn ýaqytyly almastyrý maqsatynda qujat qabyldaý merzimderi: ishki konkýrs ótkizý kezinde - 5 jumys kúninen 3 jumys kúnine deıin, jalpy konkýrs kezinde - 10 jumys kúninen 7-ge deıin qysqartyldy:

Іshki jáne jalpy konkýrstarǵa qatysatyn úmitkerlerdiń áńgimelesýden ótý merzimi de sáıkesinshe bes jumys kúninen úsh jumys kúnine deıin qysqartyldy.

Nátıjesinde, konkýrstyń barlyq úsh kezeńin ótkizý merzimderi
jalpy 13 jumys kúnine qysqartyldy.

Eske sala keteıik, merzimderdi qysqartý máselesi aǵymdaǵy jyldyń 8 maýsymynda ótken mınıstrdiń halyqpen eseptik kezdesýinde kóterilgen.