Memlekettik qyzmetke ornalasatyndar endi rýhanı qundylyqtar boıynsha test tapsyrady

ASTANA. QazAqparat – Memlekettik qyzmetke kelemin degen adamnyń rýhanı qundylyǵyn anyqtaý boıynsha testileý enigiziledi. BAQ ókilderiniń saýalyna jaýap bergen Memlekettik qyzmet isteri agenttiginiń tóraǵasy Darhan Jazyqbaev osylaı málim etti, dep habarlaıdy QazAqparat tilshisi.

«Keler jyldan bastap memlekettik qyzmetke irikteýdi onlaın júrgizýdi josparlap otyrmyz. Oǵan baılanysty qyzmetke kiretin azamat birinshi kezeńde proktorıng baǵdarlamasymen test tapsyrady, odan keıin quzyreti men qabyletine anyqtaıtyn testileýden ótedi. Sonymen qatar, biz taǵy bir test engizip otyrmyz. Ol – ár memlekettik qyzmetke kelemin degen adamnyń rýhanı qundylyǵyn anyqtaý boıynsha test. Bulardyń barlyǵy onlaın formatta qoljetimdi bolady. Azamat úıinde otyryp-aq, emtıhandardy tapsyrady. Al biz ár kezeń boıynsha ball qoıyp otyramyz. Sońynda sol upaılardyń jıyntyǵy boıynsha kim kóp ball jınady, sol bos laýazymǵa taǵaıyndalady», - dep túsindirdi agenttik tóraǵasy.

Eske salaıyq, buǵan deıin Memlekettik basqarý akademııasynyń rektory Erlan Ábil memqyzmetshilerge jıi biliktiligin jetildirý múmkindigin usyný qajet ekenin aıtyp, usynys bildirgen bolatyn.

Qosa ketsek, endi memlekettik qyzmetke ornalasýda qazaq tilin bilý talaby engizilýi múmkin.

Sonymen qatar, memlekettik qyzmetke ornalasý testi aldaǵy ýaqytta 9 emes, 4 zań boıynsha alynady.