Memlekettik qyzmetke qalaı ornalasýǵa bolady
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamentiniń ókilderi E. Bóketov atyndaǵy Qaraǵandy Memlekettik ýnıversıtetiniń stýdentterimen kezdesý ótkizdi. Shara barysynda JOO-nyń bolashaq túlekteri memlekettik qyzmetke ornalasý erejelerine jáne mamandardy irikteýde qoıylatyn talaptarǵa qatysty saýaldar qoıdy.
«Memlekettik qyzmet - memlekettik saıasatty júzege asyrý maqsatynda praktıkalyq qyzmet etetin bıliktiń atqarýshy organy. Bul - tek jaıly keńseler men turaqty jalaqy ǵana emes, bul - kúndelikti qarbalas, tynymsyz eńbek», - dep atap ótti Departamenttiń memlekettik qyzmet basqarmasynyń basshysy Ásel Belıalova.
2016 jylǵy 1 qańtardan bastap memlekettik qyzmetter pozıtsııalyqtan quzyrettilik pen konkýrstyq irikteýge negizdelgen mansaptyq modelge kóshti. ıAǵnı, memlekettik qyzmetke ótý tómen laýazymdardan bastalyp, birtindep mansaptyq jyljý arqyly júzege asyrylady. Konkýrs ótetindigi týraly habarlandyrý bos laýazymdar bar memlekettik organdardyń saıttarynda jáne QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń: www.kyzmet.gov.kz . saıtynda jarııalanady.
Konkýrsqa qatysýǵa qujattardy habarlandyrý jarııalanǵannan keıin 7 jumys kún ishinde tapsyrý qajet.
Іrikteýdiń alǵashqy kezeńi - QR zańnamasyn bilýge baǵyttalǵan testileý. Ony azamattar aldyn ala tapsyra alady.
Testileýden sátti ótken jaǵdaıda sertıfıkat beriledi. Ol bir jylǵa jaramdy. Atalǵan sertıfıkatpen onda kórsetilgen sanat boıynsha kez kelgen jalpy konkýrsqa qatysýǵa bolady.
Zańdar tizbesi, testileý uzaqtyǵy jáne suraqtar sany kandıdat tańdaǵan testileý baǵdarlamasymen anyqtalady. Testileýge jazylý úshin elektrondyq úkimet portaly (egov.kz), Halyqqa qyzmet kórsetý ortalyǵy nemese stýdentterge qyzmet kórsetý ortalyǵy arqyly ótinish berip, testileý baǵdarlamasyn, test tapsyrý kúni men ýaqytyn tańdaý jetkilikti. HQKO-ǵa jáne SQKO júgingen kezde ózimen birge jeke basyn kýálandyratyn qujat bolýy qajet.
Testileýdiń kelesi kezeńi - bul jeke qasıetterin baǵalaý. Aǵymdaǵy jyldan bastap memlekettik qyzmetter salasyndaǵy zańnamaǵa birqatar túzetýler engizilgendigin, quzyretterdi baǵalaý júıesiniń jetildirilgendigin aıta ketken oryndy. Testileýdiń negizinde, kandıdat týraly tolyq kórinis qalyptastyratyn, psıhometrııalyq tapsyrmalar men sıtýatsııalyq keıster jatyr.
Kandıdattardyń ózderi jaıly jalǵan málimetter usyný faktilerin boldyrmaý úshin, baǵalaýǵa shynaıylyq deńgeıin anyqtaýǵa arnalǵan suraqtar engizilgendigin aıta ketken abzal.
Shynaıylyq deńgeıi tómen bolsa (50% az), testileýden ótpegen dep esepteledi.
QR zańnamasyn bilýge arnalǵan testileýdiń, sol sııaqty jeke quzyretterdi anyqtaýǵa arnalǵan testileýdiń belgilengen sheginen óte almaǵan azamattar, 1 aıdan keıin testileýden qaıta óte alady.