Memlekettik qyzmet sapasy jiti baqylaýǵa alynbaq - Qazaqstannyń azamattyq alıansy

ASTANA. Aqpannyń 25-i. QazAqparat /Rýslan Ǵabbasov/ - Búgin Astanada Qazaqstannyń azamattyq alıansy halyqqa memleket tarapynan kórsetilip jatqan áleýmettik qyzmetterdi baqylaýǵa arnalǵan júıeni qurý jobasyn tanystyrdy,

dep habarlaıdy QazAqparat.

Uıymnyń atqarýshy dırektory Alına Hamatdınova atap kórsetkendeı, jobanyń basty maqsaty - memlekettik qyzmet sapasyn kóterý. «Bul másele Elbasynyń bıylǵy Joldaýynda da atap ótilgen bolatyn. Al osy problemanyń mán-jaıyn tek memlekettik qyzmettiń naqty tutynýshysy ǵana, ıaǵnı halyq ashyq aıta alady. Sondyqtan jańa júıege sáıkes memlekettik qyzmetterdiń sapasyn halyq anyqtaıtyn bolady. Olar óz pikirlerin ınternet jáne basqa da baılanys túrleri arqyly jibere alady. Sondaı-aq qyzmet sapasyn arnaıy ortalyqtar jáne eriktiler toptary qadaǵalamaq», - deıdi A.Hamatdınova.

Jalpy, jańa joba eki jylǵa eseptelgen. Bıyl onyń alǵashqy kezeńi iske qosylady.