Memlekettik qyzmet salasynda Óńirlik habqa umtylǵan Qazaqstan óz aldyna zor maqsat qoıyp otyr - BUU DB ókili
BUU DB ókiliniń sózine qaraǵanda, merıtokratııa negizinde memlekettik qyzmet personalyn basqarý tájirıbesi kez kelgen memlekette zor nátıjelerge jetkizedi. Sonymen qatar, basqarýdyń osy júıesi barlyq kásibı mamandarǵa birdeı múmkindikter beredi. Stıven Týlldyń aıtýynsha, merıtokratııaǵa negizdelgen memlekettik qyzmet personalyn basqarýdyń ádil tájirıbesi memlekettik qyzmettiń tıimdiligi men sapasyn arttyryp, adamdarǵa óz jumysyn joǵary deńgeıde atqarýǵa jaǵdaı qalyptastyrady. Sondaı-aq memlekettik qyzmette eseptilik pen qoljetimdilikti qamtamasyz etýge múmkindik beredi. «Merıtrokatııaǵa negizdelgen memlekettik qyzmet personalyn basqarý jurtshylyqtyń bılikke senimin arttyrady. Jalpy, memlekettik qyzmet salasyndaǵy Óńirlik habqa umtylatyn kóptegen memleketter aldaryna zor maqsattar qoıyp otyr. Qazaqstan da - sondaı elderdiń biri. Bul rette «Qazaqstan-2050» strategııasynyń maqsattary da úlken mańyzǵa ıe. Strategııadaǵy maqsattarǵa jetý úshin turaqty túrde adamı kapıtaldy damytýǵa basymdyq berý qajet. Sondaı-aq, qoǵamnyń damýynda úlken ról atqaratyn ınstıtýttardy qalyptastyrýdyń mańyzy aıyryqsha», - dep atap ótti BUU DB ókili.