Memlekettik qyzmet kórsetý: Qazaqstan kóshbasshy elderdiń «V» tobynan «A» tobyna kóterildi
Tsıfrlyq damý, ınnovatsııalar jáne aeroǵarysh ónerkásibi mınıstrliginiń málimetinshe, GovTech jahandyq seriktestiginiń qoldaýymen engizilgen Dúnıejúzilik Banktiń GovTech jetilý ındeksi (GTMI) salasynyń negizgi tórt baǵytynyń damýyn baǵalaıdy. Naqty aıtqanda, negizgi memlekettik júıe ındeksi (CGSI), Memlekettik qyzmet kórsetý ındeksi (PSDI), azamattardy tsıfrlyq salaǵa tartý ındeksi(DCEI) jáne memlekettik tehnologııalardy qoldaý ındeksi (GTEI).
Qazaqstan 198 el arasynda Memlekettik qyzmet kórsetý ındeksi (PSD) boıynsha 6-shy orynǵa turaqtaǵan. Aıta ketý kerek, 2022 jylǵy kórsetkishter boıynsha Qazaqstan jetilý ındeksinde (GTMI) aıtarlyqtaı nátıje kórsetti. Osylaısha jahandyq reıtıngte elimiz V tobynan A tobyna aýysty. Bul eldegi GovTech salasynyń damyp kele jatqanyn kórsetedi.
Sondaı-aq búginde Qazaqstan BUU-nyń elektrondyq úkimetti damytý boıynsha jahandyq reıtınginde (EGDI) 28-orynda jáne joǵary nátıjeli elder tobyna kiredi. Sondaı-aq elimiz onlaın qyzmetter salasyndaǵy álemdik reıtıngte de ilgeri orynda. Onlaın servısterdi usyný boıynsha elimiz 8 oryndy ıelenip, úzdik 10 eldiń qatarynda tur. Bul bedeldi tizimge Estonııa, Fınlıandııa, Ońtústik Koreıa, Danııa, Sıngapýr, Jańa Zelandııa, Avstralııa, AQSh jáne Japonııa sııaqty elektrondyq úkimettiń kóshbasshy elderi de kirgen.
GovTech – halyqqa memlekettik qyzmet kórsetý jáne bılik organdary men memlekettik ınstıtýttar jumysynyń tıimdiligin arttyrý tehnologııalary salasy.