Memlekettik qyzmet departamentinde «Ashyq esik kúni» ótti

ShYMKENT. QazAqparat – QR Memlekettik qyzmet isteri agenttiginiń Shymkent qalasy boıynsha departamentinde M. Saparbaev jáne M. Áýezov atyndaǵy OQMÝ stýdentteriniń qatysýymen «Ashyq esik kúni» ótti. Basqosýda Memleket basshynynyń Joldaýynda aıtylǵan jastardyń bilim sapasyn arttyrý, olardy túrli kásipke beıimdeý máseleleri sóz boldy, dep habarlaıdy QazAqparat tilshisi.

Jyl saıynǵy dástúrge aınalǵan bul is-sharada jastarǵa Departamenttiń árbir basqarmasy qyzmetiniń negizgi baǵyttary týraly túsindirildi. Sonymen qatar memlekettik basqarý reformalary týraly, memlekettik qyzmetke túsý sharttary týraly jáne daryndy jastar úshin qurylǵan múmkindikter týraly aqparattar berildi. Osy kún aıasynda stýdentter Departament basshylyǵymen, basqarma basshylarymen jáne QR Prezıdenti janyndaǵy Memlekettik basqarý akademııasy fılıalynyń ókilderimen kezdesip, suraqtaryn qoıdy. Ýnıversıtet jastary departamenttegi test ortalyǵy men kitaphanaǵa bardy. «Ashyq esik kúniniń» basty maqsaty - jastar arasynda memlekettik qyzmettiń oń ımıdjin qalyptastyrý, olardy memlekettik qyzmetke tartý, memlekettik qyzmettiń qoǵamnyń damýy men ómirine qosqan úlesiniń mańyzdylyǵyn nasıhattaý, sondaı-aq memlekettik qyzmettiń mańyzdy aspektilerin túsindirý bolyp tabylady»,- dedi departament basshysy Á. Kómekbaev.