Memlekettik qyzmet 100 paıyz smartfonmen qoljetimdi bolady – Joldaý

NUR-SULTAN. QazAqparat – Prezıdent Joldaýynda qazaqstandyqtar úshin memlekettik qyzmet tolyqtaı smartfon arqyly qoljetimdi bolatyndyǵy aıtyldy, dep habarlaıdy QazAqparat tilshisi.

«Aldymen Tsıfrlyq Úkimetti qaıta qalyptastyrý máselesi tur. Memlekettik sektordyń barlyq IT bastamalary jańa platformaǵa negizdeledi. Otandyq IT salasy basqalardan qaıtalaýdy qoıyp, ondaǵy óteýsiz shyǵyn men bıýrokratııany joıý kerek. Halyq úshin memlekettik qyzmet 100 paıyz smartfonmen qoljetimdi bolady», - dedi Memleket basshysy Qasym-Jomart Toqaev Joldaý barysynda.

Aıta keteıik, buǵan deıin Prezıdent joǵary sanatty otandyq IT mamandardy ázirleýdi tapsyrǵan edi.

«Tsıfrlandyrý týraly ulttyq joba aıasynda kem degende 100 myń joǵary sanatty IT maman ázirleýimiz kerek. Eksporttyq jáne tsıfrlyq sala boıynsha taýar qyzmeti 2025 jylǵa qaraı kem degende 500 mln AQSh dollaryna jetýi tıis. Memlekettik sektordy tsıfrlandyrýda osy jáne ózge de mindetterdi qaıta qarastyrý qajet. Bul jerdegi basty másele memlekettik organdardyń aqparattyq júıesinde ıntegratsııanyń joqtyǵy. Bul suraq shuǵyl sheshim men kúrdeli ózgeristi talap etedi», - degentuǵyn Memleket basshysy.