Memlekettik kúzet Prezıdenttik orkestri Medıtsına qyzmetkerleri kúnimen quttyqtady
Qazaqstan Respýblıkasynyń Prezıdenti Qasym-Jomart Toqaevtyń Joldaýyndaǵy medıtsına qyzmetkerlerine jan-jaqty qoldaý kórsetý máselesin iske asyrý maqsatynda, Qazaqstan Respýblıkasy Memlekettik kúzet qyzmetiniń Bastyǵy general-polkovnık Q.N.Qasymovtyń arnaıy tapsyrmasy boıynsha, dárigerler men medıtsına qyzmetkerleriniń byltyrdan beri álemde oryn alǵan koronavırýs indetimen kúres kezindegi qajyrly da janqııarlyq eńbegine alǵys bildirý jáne Medıtsına qyzmetkerleri merekesi qurmetine oraı, aǵymdaǵy jylǵy 17 jáne 18 maýsym kúnderi Qazaqstan Respýblıkasy Memlekettik kúzet qyzmetiniń Prezıdenttik orkestri Nur-Sultan qalasyndaǵy Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń aýrýhanasynda, Ulttyq ǵylymı kardıohırýrgııa ortalyǵynda jáne Ulttyq ǵylymı medıtsınalyq ortalyǵynda, sondaı-aq Nur-Sultan qalasynyń Almaty aýdandyq ákimdiginiń aýdandyq aýrýhanalardyń úzdik medıtsına qyzmetkerlerine quttyqtaý is-sharasynda merekelik kontsert kórsetti.
QR Memlekettik kúzet qyzmeti Prezıdenttik orkestriniń estradalyq sımfonııalyq ansambliniń ártisteri, án jáne estrada ansambliniń solısteri men halyq aspaptary ansambliniń ártisteri óz ónerlerin kórsetip, dárigerler men medbıkelerdiń, osy aýrýhanalar patsıentteriniń ystyq yqylasyna bólendi, al úrmeli aspaptar orkestri mýzykanttarynyń defıle kórsetilimin kórermender dý shapalaqpen qarsy aldy.