Memlekettik qorǵa astyq satyp alýǵa 7 mlrd. teńgeden astam qarjy bólindi

ASTANA. QazAqparat - «QazAgro» ulttyq qory memlekettik qorǵa astyq satyp alýǵa 7078 mln. teńge qarjy bóldi. Bul týraly búgin egin terimine aınalǵan brıfıngte málim boldy.

«2014 jyldyń óniminen ekinshi deńgeıli bankterdiń kepildigimen memlekettik qorǵa astyq satyp alýǵa 7078 mln. teńge bólindi. Onyń 3539,25 mln. teńgesi kóktemgi-kúzgi qarjylandyrý esebinen jáne 3529,25 teńgesi - kúzgi kezeńge arnalǵan. Aıta keterligi, kóktemgi-kúzgi qarjylandyrýda paıdalanylmaǵan aqsha qarajaty kúzgi kezeńde astyq satyp alýǵa birden baǵyttalady», - dedi «QazAgro» UBH» AQ tóraǵasynyń orynbasary Qaırat Aıtýǵanov.

Onyń atap ótýinshe, bul qarjy kóktemgi-kúzgi qarjylandyrýǵa jáne kúzgi jıyn-terimge teń bólingen. «Búgingi tańda biz 102 mln. teńgege 5100 myń tonna astyq satyp aldyq. Al qalǵan qarjy egin terimi barysynda ıgeriletin bolady», - dedi ol.

«Buǵan qosa «Azyq-túlik korporatsııasy» júzege asyratyn bıýdjettik nesıe qarajatynan bıdaıdy jáne arpany forvardtyq satyp alý aıasynda barlyǵy 1,7 myń zaemshyny 2,2 mln. gektar jer alqabyna 13 mlrd. teńge somasyna qarjylandyrdy», - dep qosty Q.Aıtýǵanov.