Memlekettik kirister komıtetine berilgen ótinishke qatysty aqparatty chat-bottan bilýge bolady

NUR-SULTAN. QazAqparat - Memlekettik organǵa jiberilgen hattyń jaı-kúıi týraly aqparatty endi Telegram messendjerindegi arnaıy chat-bottan kórýge bolady, dep habarlaıdy QazAqparat Qarjy mınıstrliginiń Memlekettik kirister komıteti baspasóz qyzmetine silteme jasap.

Komıtet Telegram mobıldi qosymshasy alańynda qurylǵan «KGD_kantselyariya» vırtýaldy kómekshisiniń jańa qyzmetin paıdalanýdy usynyp otyr.

«KGD_ kantselyariya» vırtýaldy kómekshisi qujat aınalymy máselesi boıynsha salyq tóleýshilerge yńǵaıly bolýy úshin qurylǵan. Onyń kómegimen ótininish ıesi myna aqparatty jedel alýyna bolady: ótinishtiń kiris nómiri men kúni; komıtettiń ótinishke bergen jaýabynyń shyǵys nómiri men kúni; salyq tóleýshiniń júginýi boıynsha komıtettiń jaýapty oryndaýshysynyń derekteri (aty-jóni jáne telefon nómiri)», delingen habarlamada.

Vedomstvonyń habarlaýynsha, aqparatty alý úshin aty-jónin nemese uıymnyń tolyq ataýyn; ótinish berilgen kúni men shyǵys nómirin chat-botta jazý qajet.

Atalǵan qyzmetti, jumys kúnderi (senbi men jeksenbini qospaǵanda) saǵat 9:00-den bastap 18:30-ǵa deıin paıdalanýǵa bolady.