Memlekettik kirister komıteti temeki ónimderin tańbalaýǵa qatysty túsinik berdi
«Tańbalanýǵa jatatyn taýarlar tizbesin aıqyndaý týraly» Qazaqstan Respýblıkasy Úkimetiniń 2020 jylǵy 10 qyrkúıektegi qaýlysyna sáıkes, 2020 jylǵy 1 qazannan bastap temeki ónimderine (fıltrli sıgaretter), 2021 jylǵy 1 sáýirden bastap temeki ónimderiniń basqa da túrlerine mindetti tańbalaý engiziledi, tsıfrlyq tańbalaý qoldanylatyn taýarlar toby aıqyndaldy.
Sonymen birge, «Temeki ónimderin tańbalaý qaǵıdalaryn bekitý týraly» Qarjy mınıstriniń 2020 jylǵy 28 qyrkúıektegi buıryǵy bekitildi.
«Tańbalaý qaǵıdalary temeki ónimderin sáıkestendirý quraldarymen tańbalaý tártibin jáne onyń Qazaqstan Respýblıkasynda odan ári qadaǵalanýyn aıqyndaıdy. Tańbalaý qaǵıdalaryna sáıkes, Óndirýshi Qazaqstan Respýblıkasynda óndirilgen temeki ónimderin Tańbalaý qaǵıdalarynyń talaptaryna sáıkes tańbalaýdy júzege asyrady», - delingen QR QM Memlekettik kirister komıteti baspasóz qyzmetiniń málimetinde.
Importtaýshy Qazaqstan Respýblıkasynan tysqary jerlerde óndirilgen temeki ónimderin elimiz aýmaǵyna ákelgenge deıin nemese temeki ónimderin kedendik rásimimen ornalastyrǵanǵa nemese keri ımportqa deıin tańbalanýyn qamtamasyz etedi.
Budan buryn habarlanǵandaı, Qazaqstanda tańbalaýǵa jatatyn temeki ónimderiniń tizimi bekitildi.
Qazan aıynan bastap, temeki ónimderi mindetti túrde tańbalanýy tıis.