Memlekettik kirister komıteti áleýmettik tólemderge qatysty qalyptasqan jaǵdaıdy túsindirdi

ASTANA. QazAqparat – QR Memlekettik kirister komıtetiniń ókilderi áleýmettik tólemderdiń jeke shottarda kórinýine qatysty jaǵdaıdy túsindirdi, dep habarlaıdy QazAqparat komıtettiń baspasóz qyzmetine silteme jasap.

Baspasóz qyzmetiniń habarlaýynsha, zeınetaqymen qamsyzdandyrý, mindetti áleýmettik saqtandyrý, mindetti áleýmettik medıtsınalyq saqtandyrý týraly zańnamalarǵa sáıkes «Azamattarǵa arnalǵan úkimet» memlekettik korporatsııasy (Memlekettik korporatsııa) ótken kún úshin kún saıyn Qazaqstan Respýblıkasy Qarjy mınıstrliginiń Memlekettik kirister komıtetine (Komıtet) kelip túsken, sondaı-aq qaıtarylǵan, qate aýdarylǵan áleýmettik tólemder jáne elektrondyq tólem tapsyrmalarynyń tizilimderin usynady.

Degenmen, Memlekettik korporatsııa 2023 jylǵy 23 maýsymda Komıtetke kelip túsken tólem qujattarynyń kúni 2023 jylǵy 22-23 maýsym dep kórsetilgen áleýmettik tólemder tizilimin durys jibermedi, bul tóleýshilerdiń jeke shottarynda áleýmettik tólemderdiń eki eselengen somalarynyń kórinýine ákep soqty.

Nátıjesinde 2023 jylǵy 27 shildede áleýmettik tólemder boıynsha 2023 jylǵy 23 maýsymdaǵy tizilim joıylyp, Memlekettik korporatsııa 2023 jylǵy 23 maýsymdaǵy áleýmettik tólemder jónindegi tizilimdi Komıtetke qaıta jiberdi.

Qazirgi ýaqytta 2023 jylǵy 22-23 maýsymdaǵy áleýmettik tólemderdiń aýdarylǵan somalary tóleýshilerdiń jeke shottaryna durys taratylyp jazyldy.