Memlekettik kirister komıteti aldanǵan úleskerlerdi izdep jatyr

ASTANA. QazAqparat - Memlekettik kirister komıteti «Oral-Dızaın-Stroıservıs» JShS dırektory K. Jumabekovtyń Astanadaǵy Kóktal kentindegi turǵyn úı keshenin salýda alaıaqtyq jáne aqshalaı qarajatty jymqyrý faktisi boıynsha qylmystyq isti tergep jatyr. Bul týraly QazAqparat vedomstvonyń baspasóz qyzmetine silteme jasap habarlaıdy.

«Qazirgi ýaqytta sońǵy epızodtar boıynsha sotqa deıingi tergeý amaldary júrip jatyr. Onda ınvestorlardyń (jeke tulǵalardyń) bir bóligi áli kúnge deıin Astanadaǵy memlekettik kirister departamentiniń ekonomıkalyq tergeýler qyzmetine ózderin zardap shegýshi retinde tanýǵa aryzdanbaǵan», - dep habarlady Komıtettiń baspasóz qyzmeti.

Sondaı-aq, Memlekettik kirister komıteti qylmystyq quqyqbuzýshylyq týraly der kezinde habarlanbaǵan jaǵdaıda, ıaǵnı zardap shegýshiler tergeý amaldary bitken soń aryz berse, azamattyq tártipte sotqa júginýleri qajet bolady.

 «Bul rette Oral-Dızaın-Stroıservıs» JShS-men kelisim jasasqan, ózderin zardap shegýshi retinde taný úshin Astanadaǵy memlekettik kirister departamentiniń ekonomıkalyq tergeýler qyzmetine aryzdanbaǵan tulǵalar myna mekenjaıǵa kelýleri tıis: Astana qalasy, Áýezov kóshesi, 34-úı, 204-kabınet(MKD ETQ aǵa tergeýshisi A. S. Ǵusmanovqa). tel.: [phone])», - delingen habarlamada.