«Memlekettik ınvestıtsııalyq jobalar» modýli iske asyrylady - Jamaýbaev
«Memlekettik josparlaýdyń aqparattyq júıesin damytý boıynsha jumysty jalǵastyratyn bolamyz. Joba aıasynda «Memlekettik ınvestıtsııalyq jobalar» modýli iske asyrylatyn bolady. Ol memlekettik ınvestıtsııalyq jobalardyń qujattamasyn qalyptastyrýǵa jáne memlekettik organdarmen kelisýge arnalǵan. Memlekettik satyp alý josparlaryn avtomatty túrde qalyptastyrý úshin memlekettik josparlaýdyń aqparattyq júıesin memlekettik satyp alý portalymen ıntegratsııalaý iske asyrylatyn bolady», - dedi ol.
Mınıstrdiń aıtýynsha, budan basqa, memlekettik satyp alýdyń derekteri boıynsha tómen baǵalardy anyqtaý jáne shyǵyndar normatıvteriniń anyqtamalyǵyn ótkizý josparlanýda. Osy derekterdiń negizinde júıede formattyq-logıkalyq baqylaýdy ornatý kózdeledi.
«Bıýdjet baǵdarlamalarynyń ákimshileri bıýdjet qarajatyn tıimdi josparlaýy men paıdalanýy úshin «Memlekettik qoldaý sharalary tıimdiliginiń monıtorıngi» júıesiniń nátıjelerin paıdalanýy qajet. Sondaı-aq, memlekettik shyǵystardyń kólemi men tıimdiligin baqylaýdyń neǵurlym pármendi tetikteriniń biri jedel bıýdjettik monıtorıngti qamtamasyz etý bolyp tabylady. Ol strategııalyq jáne baǵdarlamalyq qujattarda kózdelgen tikeleı jáne túpkilikti nátıjege qol jetkizýge baǵyttalǵan. Bul buzýshylyqtarǵa jol bermeýmen qosa basqarýshylyq sheshimderdi ýaqtyly qabyldaýǵa múmkindik beredi», - dedi Erulan Jamaýbaev.