Memlekettik hatshy Jambyl oblystyq QHA-nyń Joldaýdy talqylaǵan jıynyna qatysty
Sapar aıasynda G.Ábdiqalyqova Jambyl oblysy Qazaqstan halqy Assambleıasy Qoǵamdyq kelisim keńesiniń «Qazaqstannyń úshinshi jańǵyrýy - ósimniń jańa modeli» degen taqyryppen ótkizgen, Memleket basshysynyń joldaýyn talqylaýǵa arnalǵan keńeıtilgen otyrysyna qatysty.
Sondaı-aq, is-sharaǵa Jambyl oblysynyń ákimi, óńirlik Assambleıa tóraǵasy K.Kókirekbaev, Qazaqstan halqy Assambleıasy tóraǵasynyń orynbasary -hatshylyq meńgerýshisi E.Toǵjanov, Qazaqstan halqy Assambleıasy men óńirlik Assambleıa músheleri, Almaty qalasy, sondaı-aq Almaty, Ońtústik Qazaqstan jáne Jambyl oblystary qoǵamdyq kelisim keńesteriniń músheleri, etnomádenı birlestikterdiń jetekshileri men músheleri, memlekettik organdar men BAQ ókilderi qatysty.
Memlekettik hatshy Elbasynyń joldaýda Qazaqstannyń úshinshi jańǵyrýyn iske asyrý jónindegi basymdyǵy bar bes baǵytty aıqyndap bergenin atap ótti. Alǵa qoıǵan mindetterdi iske asyrý úshin barlyq alǵysharttar men múmkindikter bar. Sonyń qatarynda Táýelsizdiktiń 25 jylynda qoǵam men memlekettiń jınaqtalǵan búkil jasampaz áleýeti, jahandyq transformatsııalaný kezeńinde jumystyń negizgi baǵyttaryn aıqyndaıtyn «100 naqty qadam» Ult jospary bar. Jambyl oblysy Qazaqstan halqy Assambleıasynyń byltyr 250-den astam is-shara ótkizip, qoǵamdyq kelisimniń nyǵaıýyna qosqan úlesin atap ótti. Qazaqstan halqy Assambleıasynyń 2200-den astam Qoǵamdyq kelisim keńesteri jumysynyń erekshe mańyzdylyǵy atap ótildi.
Sonymen birge, sapar aıasynda Memlekettik hatshynyń tóraǵalyǵymen M.H.Dýlatı atyndaǵy Taraz memlekettik ýnıversıteti Baıqaý keńesiniń otyrysy ótip, onda joǵary oqý ornyn odan ári damytýdyń ózekti máseleleri talqylandy.
Gúlshara Ábdiqalyqova jumys saparynyń qorytyndysy boıynsha memlekettik organdarǵa naqty tapsyrmalar berdi.