Memlekettik hatshy tarıhshy qaýymdy elde atqarylyp jatqan jumystardy shynaıy baǵalaýǵa shaqyrdy
«Biz birinshi otyrysta muraǵattarmen jumystarǵa baılanysty dástúrli qadamdardan bólek, jańa zamanaýı qurylymdar týraly aıttyq. Keıde, qaısybir synshylar biraz ýaqyt ótti, túk joq degendeı áńgime órbitkendi jaqsy kóredi. Shyndyǵynda, bul - júz kún emes, jyldar, tipti on shaqty jyldar boıy atqaratyn sharýa. Sondyqtan da, men bizdiń tarıhshy qaýymdy óz jumystaryna baǵa bergende muqııattylyqqa shaqyrǵym keledi. Biz jyldar boıy atqarylatyn sharalardy az kúnge josparlap, soǵan umtylyp jatyrmyz. Biz, túptep kelgende, ulttyq tarıhymyzdy jańǵyrtýdy az ýaqytta sheshe almaımyz, muraǵat isinde de revolıýtsııa jasaý qolymyzdan kelmeıdi. Degenmen, naqty sharalar mańyzdy», - dep atap ótti Marat Tájın.
Bul rette Memlekettik hatshy mindet júktelgen júz kún ishinde qyrýar shara atqarǵany úshin bilim jáne ǵylym mınıstrliginiń basshylyǵyna rızashylyq bildirdi.
«Biz mınıstrlik qurǵan zerthanalar arqyly endi ǵana tereńge boılap kelemiz. Degenmen, bular naqty iske qosylyp keledi. Álbette, kemshilikter joq emes. Alaıda, biz qazir qolǵa alǵan dúnıeler bizdiń tarıhymyzda eshqashan bolǵan emes. Men osy tusta keıbir tarıhshy qaýymdy túsinbeı qalamyn. Mynadaı aýqymdy jumys qolǵa alynǵanda ony qos qolyn kótere qoldaýy kerek emes pe? «Anaý durys emes, mynaý mynadaı!» dep asúıdegi áńgimeni aıtý ol qaýymǵa kerek emes. Bilim jáne mádenıet mınıstrligi osy jumysty qolǵa alyp, bastady. Endeshe, tarıhshy qaýymnan atqarylyp jatqan jumysty shynaıy baǵalaýdy surar edim», - dedi M. Tájın.