Memlekettik hatshy Oljas Súleımenovtiń 85 jyldyq mereıtoıyna qatysty
Memlekettik hatshy mereıtoı ıesine QR Tuńǵysh Prezıdenti – Elbasy Nursultan Nazarbaevtyń jáne Memleket basshysy Qasym-Jomart Toqaevtyń quttyqtaý hattaryn tabystady, dep habarlaıdy QazAqparat Aqordanyń resmı saıtyna silteme jasap.
Memlekettik hatshy saltanatty jıynnyń ashylýynda Táýelsizdigimizdiń 30 jyldyǵy aıasynda ataqty jazýshynyń mereıtoıy erekshe mánge ıe bolǵandyǵyn jetkizdi, Oljas Súleımenovtiń ádebıetshi, parlamentarıı, dıplomat jáne qoǵam qaıratkeri retinde elimizdiń órkendeýine qosqan zor úlesi men halyqaralyq abyroı-bedelin atap ótti.
Qyrymbek Kósherbaev atap ótkendeı, Oljas Súleımenov – mádenıettiń asyl jaýharlaryn saqtap qalyp, zamanaýı jahandaný syn-qaterlerine tótep bere alatyn, sondaı-aq adamzattyń órkendeýine múmkindik beretin ǵalamsharlyq sananyń aqyny. Bul, ásirese, qazirgi ýaqytta rýhanı jańarý men halyq sanasyn jańǵyrtý jolyndaǵy bizdiń halqymyz úshin asa ózekti.
Saltanatty jıynda Mádenıet jáne sport mınıstri Aqtoty Raıymqulova, Almaty qalasynyń ákimi Baqytjan Saǵyntaev, TÚRKSOI-dyń bas dırektory Dúısen Qaseıinov, Qazaqstan Jazýshylar odaǵynyń tóraǵasy Ulyqbek Esdáýlet sóz sóıledi.
Sonymen qatar Qazaqstannyń Eńbek Eri, halyq ártisi Asanáli Áshimov, akademık Tóregeldi Sharmanov, Halyqaralyq Túrki akademııasynyń Prezıdenti Darhan Qydyráli ózderiniń jyly lebizderi men tilekterin bildirdi.
Memlekettik hatshy birqatar zııaly qaýym ókilderimen jáne sarapshylarmen birqatar kezdesý ótkizdi.
Foto: adebiportal.kz