Memlekettik hatshy Qazaqstandaǵy oqıǵalardy AQSh-taǵy oqıǵamen salystyrdy
«Biz kez kelgen ózge memleketke qarsy tutastyǵyn buzýǵa baǵyttalǵan barynsha turpaıy stsenarıı qoldanýǵa bolatyn jańa kezeńge ótkenimizdi túsinýimiz kerek. ıAǵnı, osy memleketti saqtap qala alamyz ba degen suraq turdy. Bir ǵana qalany qorǵaý máselesi bolǵan joq. Bir ýaqytta birneshe óńirde shabýyl jasaldy. Osy oqıǵalardyń negizgi quraly terrorıstik shabýyldar, terrorıstik toptardyń azamattyq nysandarǵa shabýyly boldy. Qazirgi tańda kontrterrorıstik operatsııa júrip jatyr», - dedi Memlekettik hatshy.
Onyń sózinshe, mundaı operatsııanyń júrip jatqany týraly faktiniń ózi salmaqty ahýalǵa tap bolǵanymyzdy kórsetedi.
«Óıtkeni memlekettiń áreketter algorıtımi bar. Tártipsizdik jaǵdaıynda bir jospary bolady, tolqýlar jáne basqa da jaıttar bolsa, basqa algorıtm, jospar iske qosylady. Olardyń belgili bir kodtyq ataýy bolady degen sııaqty.
Qazir bizdiń elimizde tótenshe jaǵdaıdan bólek terrorızmge qarsy oepratsııa rejımi engizilgen. Óıtkeni biz terrorıstik qaterge tap keldik. Kóptegen elderde jýyqta bolǵan oqıǵalar bar. Mysaly AQSh-taǵy osyǵan uqsas Kapıtolıge jasalǵan shabýyldy aıtýǵa bolady. Nemese Taıaý shyǵys elderindegi oqıǵalardy aıtýǵa bolady. Osy oqıǵalardyń bárinde tek belgili bir element qana bolatyn. Ne syrtqy element, ne ishki element, ne aqparattyq, ne saıası jáne taǵy sol sııaqty. Al qazir, osy oqıǵalardyń bárine syrt kóz retinde qarasaq, ahýaldy turaqsyzdandyrýdyń búkil arsenaly qoldanylǵanyn kóremiz. Maqsaty memlekettiń tutastyǵyn buzý bolǵan. Elimiz ol synaqqa qarsy tura bildi», - dedi Erlan Qarın.