Memlekettik hatshy Qazaqstan halqy Assambleıasynyń damý baǵyttaryn atady
«Assambleıa budan ári de qoǵamyq kelisim men birlikti nyǵaıtýǵa baǵyttalǵan memlekettik saıasattyń júıequraýshy ınstıtýty ári negizgi elementi retinde damýy kerek. Birinshi kezekke Assambleıa jumysyn qoǵamdyq buqaralyq kommýnıkatsııa tetigi retinde qamtamasyz etý mindeti shyǵyp otyr. Ol úshin qoǵamdyq uıymdar men etnomádenı birlestikter áleýmettik aqparattyń keń aýqymdy alańdaryna shyǵýy kerek. Sapaly aqparattyq-túsindirý jumystary arqyly qoǵamdyq sananyń táýelsizdikke tirek bolatyn birlik máselesine transformatsııalanýyn qamtamasyz etý qajet», - dedi Qyrymbek Kósherbae QHA keńeıtilgen otyrysynda.
Sondaı-aq, ol qoǵamnyń qurylymyndaǵy etnıkalyq alýandyqtyń jaǵymdy tájirıbelerin engizip, jaǵymsyz stereotıpterdi joıýdyń mańyzyna toqtaldy.
«Bárinen buryn Assambleıanyń 29-sessııasynda belgilengen biregeılik pen birlikti damytýdyń jańa kezeńinde memlekettik saıasat qaǵıdattaryn túsindirý jáne engizý jónindegi, sondaı-aq osy salada halyqty keńinen aǵartý jónindegi júıeli jumysty uıymdastyrý qajet», - dep atap ótti Memlekettik hatshy.