Memlekettik hatshy Qazaqstan halqy Assambleıasy Ǵylymı keńesiniń rólin arttyrýdy usyndy
Memlekettik hatshynyń aıtýynsha, Qazaqstan halqy Assambleıasynyń 2020 jylǵa deıingi Damý tujyrymdamasyn júzege asyrý josparynda eń aldymen memlekettik saıasattyń aqparattyq-saraptamalyq baǵyty qarastyrylady. Bul rette etnıkaaralyq jaǵdaılarǵa monıtorıng júrgizip otyrý, ǵylymı zertteýler júrgizýge basymdyq berilmek. «Soǵan baılanysty Mádenıet jáne aqparat mınıstrligi men Bilim jáne ǵylym mınıstrligine bundaı zertteýlerdiń nátıjeliligin qamtamasyz etýdi tapsyramyn. Ondaı nátıjeler bizdiń is-qımyl josparymyzben meılinshe úıleskeni lázim», - dedi M. Tájın.
Budan bólek, Memlekettik hatshy ultaralyq, etnıkaaralyq máselelerde qabyldanatyn sheshimderdiń ǵylymı, obektıvti zertteýlerge negizdelgeni qajet ekenin aıta kele, bul baǵyttaǵy ár qadamnyń naqty, senimdi bolǵany quptalatynyn jetkizdi. «Osyǵan oraı, Qazaqstandaǵy etnıkaralyq úderisterge ǵylymı negizdelgen kózqarasty qalyptastyrý maqsatynda Assambleıa ǵylymı keńesiniń rólin arttyrǵan da oryndy. Qazir jumys istep turǵan ǵylymı-saraptamalyq mekemelerdiń áleýetin de tıimdi paıdalaný kerekpiz. Sondyqtan da, Bilim jáne ǵylym mınıstrligimen, Mádenıet jáne aqparat mınıstrligimen birlese otyryp Qazaqstan halqy Assambleıasynyń Hatshylyǵy, Ǵylymı-saraptamalyq keńesi birqatar sharalardy atqarsyn. Atap aıtqanda, óńirlik deńgeıde júzege asyp jatqan barlyq ǵylymı qoldanbaly zertteýler júıelenýi kerek. Sosyn ǵylymı zertteýlerdi qarjylandyrý granty aıasynda, etnıkaaralyq, konfessııaaralyq saladaǵy zertteýler ulttyń basym áleýetti baǵyty retinde arnaıy qarastyrylýy qajet», - dedi M. Tájın.