Memlekettik hatshy elimizdiń barlyq oblystaryndaǵy sport nysandaryna túgendeý jumystaryn júrgizýdi tapsyrdy
Bul týraly búgin Aqordada ótken sporttaǵy joǵary jetistikter men dene shynyqtyrýdyń odan ári damýyna arnalǵan respýblıkalyq keńes barysynda QR Memlekettik hatshysy Muhtar Qul-Muhammed aıtty.
«Sizder qazir Qazaqstannyń barlyq oblystaryndaǵy sport nysandaryna túgendeý jumystaryn júrgizýlerińiz qajet. Qaısysy kúrdeli jóndeýdi qajet etedi, qaısysy búgingi kezde múldem jańadan salýdy qajet etedi, qaı oblysta ne jetpeıdi?», - dedi Memlekettik hatshy QR Sport jáne dene shynyqtyrý agenttiginiń tóraǵasy Talǵat Ermegııaevke qarata.
Bul rette ol qazirgi ýaqytta Elbasynyń tapsyrmasy boıynsha qolǵa alynǵan «100 mektep, 100 aýrýhana» baǵdarlamasy aıasynda 400-den astam densaýlyq saqtaý mekemeleri men 300-den astam mektepter salynǵandyǵyn atap ótti.
«Sol sııaqty endigi kezekte biz sportqa da kóńil bóletin jaǵdaıǵa jettik dep esepteımin. Eger London olımpıadasyndaǵy tabysymyz buryn-sońdy Qazaqstan tarıhynda bolmaǵan jetistikterge qol jetkizetin bolsa, onda sportqa degen jalpy qyzyǵýshylyq týyndaıdy. Mine osy kezde biz osyndaı usynys engizýge daıyn bolýmyz kerek», - dedi M.Qul-Muhammed.