Memlekettik hatshy eldegi ahýal týraly: Eń qıyn sátten óttik
Bul týraly ol «Habar 24» telearnasyna bergen suhbatynda aıtty.
«Negizgi kezeńnen ótkennen keıin sarapshylyq talqylaýlar, sonyń ishinde jalǵan sarapshylyq talqylaýlar aıaqtalǵannan keıin naqty faktiler men hronologııalar negizinde osy oqıǵalardyń shynaıy aýqymy men shynaıy sıpaty bárine túsinikti bolady dep oılaımyn», - dedi Memleket hatshy suhbat barysynda.
Sondaı-aq, ol eldegi ahýaldyń turaqtaný qarqyny týraly da pikir bildirdi.
«Men óz-ózimizdi aldandyryp, arqany keńge salǵanymyzdy qalamas edim. Mundaıǵa jol berilgenin qalamaımyn. Óıtkeni barynsha salmaqty táýekel saqtalyp tur. Barsha qyzmetter tolyq daıyndyq rejımine kóshken. Astanamyzdyń ózinde osyndaı shıryqqan jaǵdaı baıqalady dep aıtýǵa bolady. Sondyqtan, azamttarymyzǵa saq bolý kerek. Nege? Sizderdiń arnalaryńyzdan kórgen shyǵarmyn, azamattarda kúdikti tulǵalar, obektiler týraly málimet bolsa, quzyrly organdarǵa habarlaýdy suraǵan málimetter shyǵyp jatyr», - dedi Erlan Qarın.
Onyń aıtýyna qaraǵanda, mundaı habarlandyrýlar jaıdan-jaı berilmeıdi.
«Óıtkeni qater ishimizde, qaýip janymyzda. Sondyqtan saq bolý kerek. Biraq meniń oıymsha, eń bir shıelenisti, shetin sátter ótip ketti. Bul jerde Prezıdenttiń ózi negizgi ról atqardy dep esepteımin. Óıtkeni kúshtik qurylymdardy paıdalanýda naqty baǵdarlanǵan sheshimder qabyldady. Memlekettik organdarǵa aıqyn nusqaýlar berip, tipti aqparat alańynda da bastamany óz qolyna aldy. ıAǵnı kún saıyn halyqqa shyǵyp, bárin qarapaıym tilmen naqty baıandap otyrdy», - dedi Memlekettik hatshy.