Memlekettik eńbek ınspektorlary 24,5 myńnan astam jumyskerdiń quqyǵyn qorǵady

NUR-SULTAN. QazAqparat - 2020 jylǵy 1 qyrkúıektegi jaǵdaı boıynsha memlekettik eńbek ınspektorlary respýblıkanyń 835 kásiporynda 25 myń jumysker aldynda jalaqy boıynsha 2,6 mlrd teńgeden asa qaryz bar ekenin anyqtady, dep habarlaıdy QazAqparat.

QR Eńbek jáne halyqty áleýmettik qorǵaý mınıstrliginiń habarlaýynsha, atalǵan kásiporyndardyń jetekshilerine oryndalýǵa mindetti 484 nusqama berilip, 67,8 mln teńgeden astam somaǵa aıyppul salyndy.

Qoldanylǵan sharalardyń nátıjesinde, sonymen qatar, jalaqy boıynsha qaryzdy óteýdiń merzimi men kestesin qatań belgileý arqyly 24,5 myńnan astam jumyskerdiń quqyǵy qorǵalyp, nátıjesinde olarǵa 2,5 mlrd teńge tólendi.

Jalpy, joǵaryda kórsetilgen kezeńde memlekettik eńbek ınspektorlary 2,6 myń tekserý júrgizdi. 3,7 myńnan asa QR eńbek zańnamasyn buzý faktilerin anyqtalyp, 124,6 mln teńge somaǵa aıyppul salyndy.