Memlekettik bıýdjetke 1 trln 472 mlrd teńge kiris tústi
«Memlekettik bıýdjetke 1 trln 472 mlrd teńge somasynda kirister tústi nemese jospar 124,3 paıyz atqaryldy. Respýblıkalyq bıýdjetke 899 mlrd teńge somasynda kirister tústi nemese jospar 117,1 paıyz oryndaldy. Kirister boıynsha jospar 132 mlrd teńgege, onyń ishinde salyqtar - 102 mlrd teńgege asyra oryndaldy», - dedi 2021 jyldyń qańtar-aqpanyndaǵy respýblıkalyq bıýdjettiń oryndalýy jaıynda baıandaǵan mınıstr.
Onyń atap ótýinshe, salyqtar boıynsha negizgi asyra oryndaý somasy paıdaly qazbalardy óndirý salyǵyna, qosylǵan qun salyǵyna jáne shıki munaıǵa salynatyn eksporttyq keden bajyna tıesili boldy. Paıdaly qazbalardy óndirý salyǵy jáne qosylǵan qun salyǵy boıynsha jospardyń asyra oryndalýyna eksporttyq pozıtsııalarǵa baǵanyń ortasha 11,2 paıyzǵa ulǵaıýy áser etti.
«Qosylǵan qun salyǵy boıynsha jospardy asyra oryndaýǵa kelesi faktorlar áser etti: kásipkerlik belsendiliktiń ósýi; 2020 jylǵy qańtarmen salystyrǵanda 2021 jylǵy qańtarda úshinshi eldermen ımport kóleminiń 1,2 paıyzǵa ulǵaıýy», - dedi ol.
Mınıstr shıki munaıǵa salynatyn eksporttyq keden bajy boıynsha negizgi asyra oryndaý eksporttyq keden bajy mólsherlemesiniń 50 AQSh dollaryna deıin ulǵaıýymen baılanysty bolǵanyn aıtty. Al korporatıvtik tabys salyǵy boıynsha jospardyń oryndalmaýyna 2021 jylǵy qańtar-aqpanda 719 iri salyq tóleýshi boıynsha málimdelgen avanstyq tólemder somasynyń 36 paıyzǵa azaıýy sebep bolyp otyr.
«Jergilikti bıýdjetterdiń kiristeri 137,3 paıyzǵa atqaryldy jáne 574 mlrd teńgeni qurady. Jospar 156 mlrd teńgege, onyń ishinde salyqtar boıynsha - 138 mlrd teńgege asyra oryndaldy. Barlyq óńirlerde kirister boıynsha josparlar artyǵymen oryndalyp otyr», - dedi Erulan Jamaýbaev.