Memlekettik bıýdjetke 1 trln 381 mlrd teńge túsim artyq tústi

NUR-SULTAN. QazAqparat - 2019 jyldyń qorytyndysy boıynsha memlekettik bıýdjetke 1 trln 381 mlrd teńge artyq tústi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR QM Memlekettik kirister komıtetiniń tóraǵasy Marat Sultanǵazıev aıtty, dep habarlaıdy QazAqparat tilshisi.

«2019 jyly memlekettik bıýdjet jospary 100,8 paıyzǵa oryndalyp, ótken jylmen salystyrǵanda 1 trln 381 mlrd teńge nemese 17,4 paıyz artyq túsim túsken. Respýblıkalyq bıýdjet 100,3 jáne jergilikti bıýdjetter 102 paıyzǵa oryndaldy», - dedi komıtet basshysy.

Onyń dereginshe, shoǵyrlandyrylǵan bıýdjetke shıkizattyq sektordan túsimder - 7, shıkizattyq emes sektordan túsimder - 10 paıyzǵa ósti. Sonymen qatar, qosymsha rezervter 916 mlrd teńgeni qurady. Onyń ishinde salyqtyq jáne kedendik ákimshilendirýdi jetildirý – 392 mlrd teńge, tsıfrlandyrý boıynsha sharalar 524 mlrd teńge qosymsha túsim alyp keldi.

«Taý-ken óndirisin qospaǵanda ekonomıkanyń barlyq basqa sektorlarynda salyq túsimderiniń ósimi baıqalady. Atalǵan sektordaǵy túsimniń tómendeýi munaıdyń - 10 paıyzǵa, metaldardyń orta eseppen - 13 paıyzǵa tómendeýi sebep boldy», - dedi Marat Sultanǵazıev.