Memlekettik bilim berý tapsyrysy halyqaralyq akkredıtteýden ótken JOO-larǵa ǵana berildi
14:46, 16 Qazan 2015
ASTANA. QazAqparat - Memlekettik bilim berý tapsyrysy halyqaralyq akkredıtteýden ótken JOO-larǵa ǵana beriledi. Bul týraly búgin Astanada «Bolashaq» baǵdarlamasynyń (BARCEF-2015) jyl saıynǵy halyqaralyq konferentsııasynda Parlament Májilisiniń Áleýmettik-mádenı damý komıtetiniń tóraıymy Gúlnar Iqsanova málim etti.
Onyń sózine qaraǵanda, bundaı norma bilim berý máseleleri boıynsha Qazaqstannyń keıbir zańnamalyq aktilerine ózgertýler men tolyqtyrýlar engizý týraly zań jobasynda qamtylǵan.
«Memlekettik bilim berý tapsyrysy halyqaralyq akkredıtteýden ótken JOO-larda ornalastyrylady. Árıne, atalǵan norma Qazaqstanda kadrlardy daıarlaý sapasyn arttyrýdyń barlyq negizgi tetikterin belgileıdi jáne elimizde bilim berýdiń jalpy sapasyn damytýǵa, sondaı-aq bıýdjettik qarjynyń tıimdiligin arttyrýǵa yqpal etedi», - deıdi depýtat.
G. Iqsanovanyń aıtýynsha, bul norma joǵary oqý oryndary úshin 2017 jyldyń 1 qańtarynan bastap, tehnıkalyq jáne kásiptik bilim berý uıymdary úshin 2020 jyldyń 1 qańtarynan bastap kúshine enedi.