Memlekettik baj alymynyń jańa túri engizildi

NUR-SULTAN. QazAqparat - 2022 jyldyń 1 qańtarynan bastap Qazaqstan Respýblıkasynyń Salyq kodeksine Qazaqstan Respýblıkasynyń Ákimshilik rásimdik-protsestik kodeksi sheńberinde aryzdardy berý úshin memlekettik baj alymynyń jańa túri engizildi. Bul týraly QR QM Memlekettik kirister komıtetinen habarlady.

Engen ózgeristerge sáıkes, talapker Qazaqstan Respýblıkasynyń Ákimshilik rásimdik-protsestik kodeksiniń sheńberinde talabyn sotqa bergen jaǵdaıda, sol talap boıynsha erekshe talap qoıý isterin, erekshe is júrgizý isterin aryzdarǵa (shaǵymdarǵa) sáıkes qarastyrý úshin, aryzdanýshy – 0,5 AEK mólsherinde memlekettik bajdy tóleýi qajet (2022 jyly 1532 teńge).

Memlekettik bajdyń tóleýshisi – sotta múddesi qaralatyn ótinish berýshiler bolyp tabylady.

Memlekettik bajdy ótinish berýshiler ótinishti bergenge deıin tóleýi qajet.

Ótinisherdi (shaǵymdardy) qaraıtyn sottar - ýákiletti organdar bolyp tabylady.