Memlekettik bastamalardy iske asyrýǵa kásibı mamandardy kelisimshart negizinde tartamyz – Darhan Jazyqbaev
Memlekettik qyzmet isteri agenttigi tóraǵasynyń orynbasary Darhan Jazyqbaev ortalyq kommýnıkatsııalar qyzmetinde ótken baspasóz máslıhatynda saıası laýazymǵa úmitkerlerdi irikteýdiń tártibi ózgeretinin málim etti.
«Sondaı-aq, jekelegen saıası laýazymdarǵa úmitkerlerdiń quzyretin baǵalaıtyn assessment-ortalyq qurý josparlanǵan. Onyń ústine kelisimshart boıynsha jumys isteıtin qyzmetkerlerdiń ınstıtýty engizildi. Bul memlekettik bastamalar men salalyq jobalardy iske asyrý kezinde arnaıy bilim bar kásibı mamandardy tartýǵa múmkindik beredi», - dedi Darhan Jazyqbaev.
Agenttik ókiliniń sózinshe, budan bylaı memlekettik organdaǵy mamandardy basqarýǵa jaýapty qyzmetterdiń jaýapkershligi men mártebesi kúsheımek.
«Engizilip otyrǵan ózgerister memlekettik organdar personalyn basqarý qyzmetteriniń ókileti men mártebesin qaıta qarap, olardyń derbestigi men jaýapkershiligin arttyrýdy qajet etetin aıta ketken jón», - dedi vedomstvo ókili.