Memlekettik basqarýdyń jańa modelin engizý aıryqsha mańyzdy - Prezıdent

NUR-SULTAN. QazAqparat – Búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev azamattardyń bılik organdaryna senimin nyǵaıtýǵa úshin bar kúsh-jigerdi jumsaý kerektigin aıtty, dep habarlaıdy QazAqparat tilshisi.

«Biz quqyqtyq memleketti damytý jáne azamattardyń bılik organdaryna senimin nyǵaıtý úshin bar kúsh-jigerimizdi jumsaýymyz kerek. Bul óte ózekti mindet. Soǵan oraı memlekettik basqarýdyń jańa modelin engizý aıryqsha mańyzdy. Osy baǵyttaǵy reformalar júıeni baıyppen ortalyqsyzdandyrýdy, memlekettik apparatty jańǵyrtýdy, kvazımemlekettik sektordy ońtaılandyrýdy jáne barlyq úderisti tsıfrlandyrýdy qamtıdy», - dedi Prezıdent.

Memleket basshysynyń aıtýynsha, sol arqyly memlekettik apparat barynsha yqsham, ashyq ári tıimdi, al sheshim qabyldaý úderisi ıkemdi jáne aıqyn bolady.