Memlekettik basqarýdy damytý tujyrymdamasynyń maqsaty ne

NUR-SULTAN. QazAqparat - Memlekettik qyzmet isteri agenttiginde ótken brıfıngte Agenttik tóraǵasy Anar Jaıylǵanova Memleket basshysy bekitken memlekettik basqarý tujyrymdamasynyń negizgi tarmaqtary týraly aıtty, dep habarlaıdy QazAqparat tilshisi.

«Bıyl 26 ​​aqpanda Memleket basshysy memlekettik basqarýdyń adamdarǵa baǵyttalǵan modelin damytý tujyrymdamasyn maquldady. Memlekettik basqarý halyqtyń úmitin aqtaýy kerek. Sonymen birge, azamattyq belsendiliktiń edáýir artýy qazaqstandyq qoǵamnyń jetilgendigin jáne memlekettik basqarý protsesine qatysý qajettiligin kórsetedi. Tujyrymdama azamattardyń memleketpen ózara qarym-qatynasyn jaqsartýǵa, memlekettik josparlaýdyń tıimdiligin, memlekettik qyzmet kadrlarynyń sapasyn arttyrýǵa, memlekettik qyzmet kórsetýdiń belsendi formatyna aýysýǵa, normatıvtik-quqyqtyq jáne sybaılas jemqorlyqqa qarsy saıasatty jetildirýge, sonymen qatar sot jáne quqyq qorǵaý júıesin ózgertýge baǵyttalǵan», - deıdi QR Memlekettik qyzmet isteri agenttiginiń tóraǵasy.

Onyń aıtýynsha, memlekettik basqarýdyń jańa modeli «halyq únine qulaq asatyn», kásibı jáne pragmatıkalyq memleket qaǵıdatyna negizdelgen bolady.

«Tujyrymdamaǵa saı keletin memlekettik basqarýǵa qol jetkizý úshin «tulǵaǵa baǵdarlanǵan» model qurýdan bastap, ońtaıly, klıentke baǵdarlanǵan jáne ashyq memlekettik apparat qalyptastyrý josparlanýda. Sondaı-aq, azamattardyń qajettiligine negizdelgen memlekettik qyzmetterdi belsendi kórsetýge kóshý, kadrlar sapasyn arttyrý jáne memlekettik apparattyń kásibılenýi qarastyrylady. Kadrlar sapasyn jaqsartý jáne memlekettik apparattyń kásibılendirilýi, sot jáne quqyq qorǵaý júıesin qaıta qurý josparlanýda», - deıdi Anar Jaıylǵanova.