Memlekettik basqarý júıesinde kadrlardyń «kóship-qonýy» tyıylmaı tur - depýtat

ASTANA. QazAqparat - Jyl saıyn memlekettik basqarý júıesinde kadrlar 15-16 paıyzǵa jańaryp otyrady. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR parlamenti Májilisiniń depýtaty Ersultan Bekturǵanov málim etti.

Onyń aıtýynsha, memlekettik basqarý júıesinde kadrlardyń kóp turaqtamaýy ózekti máselege aınaldy.

«Eń úlken máselelerdiń biri - basshylardyń aýysýy kezinde kadrlardyń da aýysý jaǵdaıy. Bul bizdiń júıeniń eń túıtkildi taqyryptarynyń biri. Degenmen, 2012 jyly Memlekettik qyzmet týraly zańnan keıin bul úderis biraz azaıǵan. Biraq másele tolyq sheshimin tappaı otyr», - dedi E. Bekturǵanov.

Onyń sózine qaraǵanda, jyl saıyn memlekettik basqarý júıesinde kadrlar 15-16 paıyzǵa jańaryp otyrady.

«Ortalyq memlekettik organdarda qyzmetkerler ortasha eseppen 2-2,5 jyl jumys isteıdi eken. Bul - óte az», - dedi ol.