Memlekettik basqarý, qorǵanys jáne áleýmettik qamtýǵa salynǵan ınvestıtsııa 5 ese artqan

ASTANA. QazAqparat – Qazaqstanda memlekettik basqarý, qorǵanys jáne áleýmettik qamtý salasyna quıylatyn ınvestıtsııa jyly ishinde bes ese artqan. Ósim kórsetkishi ekinshi jyl qatarynan baıqalyp otyr, dep habarlaıdy QazAqparat Finprom.kz resýrsyna silteme jasap.

Bıyl qańtar-aqpan aılarynda memlekettik basqarý jáne qorǵanys jáne mindetti áleýmettik qamsyzdandyrý salasyna quıylǵan ınvestıtsııa 15,8 mlrd teńgege jetti.

Bul soma bir jyl burynǵyǵa qaraǵanda 5,1 ese kóp.

Óńirler arasynda joǵaryda atalǵan salalar boıynsha eń kóp ınvestıtsııa Túrkistan oblysyna tıesili. ıAǵnı 4,7 mlrd teńge, aqshamen jyldyq ósim - 2,5 ese.

Odan ári kóshbasshylar bestigine Mańǵystaý oblysy (4,6 mlrd teńge), Abaı oblysy (2,8 mlrd teńge), SQO (1,2 mlrd teńge) men Almaty (871,3 mln teńge) kiredi.

Al Aqmola oblysynda (1 mln teńge) óte az kólemde ınvestıtsııa tartylǵan.

Jalpy 20 óńirdiń ishinde Jambyl jáne Ulytaý oblystarynda memlekettik basqarý, qorǵanys jáne áleýmettik qamtý sektorlaryna ınvestıtsııa múldem túspegen.

Eń kóp ınvestıtsııa kólemi, ıaǵnı 66,4% banktik emes qaryz qarajaty esebinen qamtamasyz etilgen.

Somamen 10,5 mlrd teńge. Ótken jyly atalǵan kózden qarajat túsken joq.

Respýblıkalyq bıýdjetten 2,8 mlrd teńge (jyldyq ósim 3,4 ese), jergilikti bıýdjetten 2,4 mlrd teńge (jylyna ósim 12%) tústi.

Kásiporyndardyń óz qarajaty esebinen 127,3 mln teńge ınvestıtsııalandy. Bul 2022 jylǵy qańtar-aqpanǵa qaraǵanda 6,5%-ǵa artyq.