Memlekettik basqarý akademııasynda tildi damytý máseleleri talqylandy
«Dóńgelek ústelde» QR Prezıdenti janyndaǵy Memlekettik basqarý akademııasynyń rektory A.Órsarıev, QR Memlekettik qyzmet isteri agenttigi tóraǵasynyń orynbasary A. Kómekbaev, QR Syrtqy ister mınıstriniń orynbasary Q. Sarybaı, QR Mádenıet jáne aqparat mınıstrliginiń Til komıtetiniń tóraǵasy Sh.Qurmanbaıuly, QR Prezıdenti janyndaǵy Memlekettik basqarý akademııasynyń Dıplomatııa ınstıtýtynyń dırektory T. Súleımenov taǵy basqalary qatysty. Jıynǵa qatysýshylar memlekettik qyzmet salasynda tilderdiń damýy jáne qyzmettik máselelerin talqylady.
«Qazaqstan Respýblıkasy tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasymen» anyqtalatyn eldiń tildik saıasaty bizdiń memleketimizdiń qazirgi zamanǵy damýy men jańǵyrýyn sıpattaıtyn jáne ár qazaqstandyq qoǵamǵa qolaıly bolyp tabylatyn tildik keńistikti qalyptastyrýǵa baǵyttalǵan. Memlekettik tildiń fýnktsıonaldy basymdyqtary men bedeli qazaq tilinde tolyqqandy kásiptik qarym-qatynas jasaıtyn memlekettik qyzmetshiler arasyndaǵy jańa býyndy qalyptastyrý jáne tárbıesin qalyptastyrýǵa yqpal jasaıdy», - delingen baspasóz baıanynda. Budan bólek, «Tildik bilim únemi jańashalandyrýdy qajet etedi. Jahandaný kezeńinde álemdik eńbek naryǵynda básekelestikke shyǵatyn, óziniń orta kásiptik quzyrettiligi jáne tildik mádenıetimen, sonymen qatar óz eliniń tildik jáne mádenı murasyn saqtap, damytatyn bilim berý jáne jańa urpaqty tárbıeleý máselesi ózekti bolyp tabylady. Qazirgi kezde bilim berý, memlekettik tildi damytý men nyǵaıtýǵa degen erekshe kóńildi basqa tilder men mádenıetti taný arqyly lıngvıstıkalyq qormen úılesimdi sáıkes keletin keńistikti qurý negizgi maqsattardyń biri bolyp tabylady. Qoıylǵan maqsat oqytýdyń ıntegratsııalanǵan sıpatyn jáne tikeleı bilim úrdisin júzege asyratyn barlyq baǵyttaǵy mamandardyń yntymaqtastyǵy bolyp tabylady», delingen bspasóz qyzmeti taratqan habarlamada.