Memlekettik baqsarýdy damytý tujyrymdamasynyń 14 baǵyty usynyldy
Memlekettik qyzmet isteri agenttigi qazirgi kezde kadr sapasyn arttyrý jáne memlekettik apparatty kásibılendirý máselelerin sheshýge arnalǵan 14 jobany anyqtaǵanyn, olardyń mazmunyn, merzimin jáne qajetti qarjylandyrýdy anyqtaý boıynsha jumystar júrgizilip jatqanyn atap ótken jón.
«Birinshi joba - memlekettik qyzmetke qatysty daryndardy ashý jáne tárbıeleý júıesi. Ekinshisi - merıtokratııa qaǵıdatyn saqtaı otyryp, memlekettik qyzmettiń «pozıtsııalyq modelin» engizý. Osy turǵydan alǵanda, «pozıtsııalyq model» memlekettik qyzmetshiler tek ishten emes, sonymen qatar syrttan da tańdalatyndyǵyn bildiredi. Eger memlekettik qyzmette joq, biraq jaqsy bilim, quzyrettilik alǵan jastar bolsa - olar úshin memlekettik qyzmetke jol ashyq bolady», - dep túsindirdi agenttik tóraǵasy.
Kelesi joba - ınklıýzıvtilik pen ıkemdilik prıntsıpteri boıynsha memlekettik organnyń kadrlyq strategııasyn jáne kadrlyq josparlaýdy júzege asyrý.
«Biz tek ishten ǵana tańdamaımyz, ártúrli saladaǵy adamdar qatysady. Kóp jaǵdaıda memlekettik qyzmetke naqty sala mamandary jetispeıdi. Bul máseleni sheshý úshin prıntsıp iske asyrylatyn bolady. Tórtinshi joba - HR jazbalaryn basqarýdy avtomattandyrý. Kelesi - úmitkerlerdiń kásibı jáne jeke quzyretine nazar aýdara otyryp, irikteý protsedýralaryn jetildirý. Altynshy joba - belgili bir saıası laýazymdarǵa úmitkerlerdiń quzyretin baǵalaýdyń baǵalaý ortalyǵy ádisin engizý. Áńgime vıtse-mınıstrler, oblys, aýdan ákimderiniń orynbasarlary týraly bolyp otyr. Shyn máninde, bul adamdar belgili bir biliktilikke saı bolýy kerek. Olardyń ártúrli jaǵdaıda ózin qalaı ustaıtynyn jáne turǵyndarmen qalaı jumys isteı alatynyn túsiný úshin baǵalaý ortalyǵy qajet», - dep túsindirdi Anar Jaıylǵanova.
Onyń aıtýynsha, agenttik «Jańa formatsııa kóshbasshysy» kýrstaryn ótkizedi, onda olar durys kommýnıkatsııa júrgizýdi, halyqpen jumys iseýdi, qazirgi zamanǵy talaptarǵa jaýap beretin transformatsııalyq kóshbasshy qandaı bolý kerektigin úıretedi.
«Jetinshi joba - memlekettik qyzmetshilerdiń tıimdiligin jańa qundylyqtar negizinde baǵalaý júıesin jetildirý. Segizinshi joba - personaldy etıkalyq baǵalaýdyń «360 gradýs» ádisiniń tsıfrlyq qosymshasy. Sondaı-aq, kelisimshart boıynsha jumys isteıtinder ınstıtýtyn engizý, memlekettik qyzmetkerlerdiń áleýmettik paketin qaıta qaraý máselesin qarastyramyz. On birinshi joba – júıede memlekettik organdardyń qajettiligimen tyǵyz baılanysta bilim, biliktilik jáne daǵdylaryn únemi jetildirý. Memlekettik organnyń qajettiligine baılanysty biz memlekettik qyzmetshilerdi Memlekettik qyzmet agenttiginiń qabyrǵasynda oqytatyn bolamyz», - dedi Anar Jaıylǵanova.