Memlekettik baǵdarlamalar boıynsha turǵyn úı baǵasy qymbattamaıdy

NUR-SULTAN. QazAqparat – Memlekettik baǵdarlamalar boıynsha turǵyn úı baǵasy qymbattaı ma? Bul suraqqa «Otbasy bank» AQ ortalyq fılıalynyń dırektory Jansultan Mataı jaýap berdi, dep habarlaıdy QazAqparat tilshisi.

«Nurly jer» baǵdarlamasy aıasynda «Baqytty otbasy» baǵyty bar, búginde halyqtyń áleýmettik osal toptarynyń 10 myńǵa jýyq ókili, onyń ishinde kóp balaly analar, múmkindigi shekteýli balalardy tárbıelep otyrǵan otbasylar jáne tolyq emes otbasylar 2% ıpotekalyq qaryzben qamtamasyz etilgen. Memlekettik baǵdarlamalar boıynsha turǵyn úı baǵasy bekitilgen, turaqty jáne ózgertilmeıdi», - dedi spıker Ortalyq kommýnıkatsııalar qyzmetinde ótken brıfıngte.

2020 jyldyń qorytyndysy boıynsha elimizde 15,3 mln sharshy metr nemese 140 myń turǵyn úı paıdalanýǵa berilgen. Bul 2019 jylǵy kezeńnen 17% joǵary.

Ákimdikter 28 myń páterdi nemese elde salynǵan turǵyn úıdiń jalpy kóleminiń 20%-yn belgilengen baǵamen tapsyrǵan.

Otbasy banki arqyly halyqqa «Baqytty otbasy» jáne «5-10-20» áleýmettik baǵyttaryn qosa alǵanda, 145,7 mlrd teńgege 14,3 myń jeńildetilgen nesıe berilgen. Bıyl barlyq qarjy kózderi esebinen 17 mln sharshy metr nemese 163 myń turǵyn úı salý josparlanyp otyr.