Memlekettik aýdıt týraly zań TMD elderi arasynda Qazaqstanda alǵash ret iske asyp otyr

ASTANA. QazAqparat - Búgin «Nur Otan» partııasynyń Parlament Májilisindegi Fraktsııasynyń keńeıtilgen jınalysynda memlekettik aýdıt jáne qarjylyq baqylaýdy iske asyrýdyń jańa tásilderi máseleleri talqylandy.

Jıyndy ashqan Májilis vıtse-spıkeri Gúlmıra Isimbaeva Elbasynyń «100 naqty qadam» Ult Jospary aıasynda byltyr «Memlekettik aýdıt týraly» jańa zań qabyldanǵanyn atap ótti.

«Atalǵan zań bes ınstıtýttyq reformany júzege asyrý jónindegi Ult josparynyń 93-i qadamyna sáıkes qabyldanǵan. Zań TMD elderiniń arasynda alǵash ret Qazaqstanda qabyldandy. Zań normalary 2016 jyldan bastap kúshine endi. Sondyqtan da, zańnyń qabyldanǵanyna kóp ýaqyt ótpesten, osy qysqa merzimniń ishinde ol úlken oń nátıjeler berip otyr», - dedi vıtse-spıker.

Sonymen qatar, depýtat zańnyń aldyn alý sıpaty basym ekenin atap ótti. Onyń aıtýynsha, endigi kúni jańa zańnyń qoldanysqa enýine baılanysty memlekettik organdardyń bıýdjet qarajatyn paıdalaný tıimdiligin baǵalaý tásili de qoldanysqa enýi kerek.

«Bul asa kúrdeli másele. Degenmen, eń qajetti tetik osy. Óıtkeni, osy arqyly bıýdjettik tártipti saqtaý tetigi jetildiriledi», - dedi G. Isimbaeva.