Memlekettik aýdıt: 168 mlrd teńgege eseptelgen qarjylyq buzýshylyqtar anyqtaldy

NUR-SULTAN. QazAqparat – QR Qarjy mınıstri Erulan Jamaýbaev memlekettik aýdıt jumystarynyń nátıjesin baıandady, dep habarlaıdy QazAqparat tilshisi.

«Ótken 8 aıda kameraldyq baqylaýmen somasy 12,3 trln teńgege 1 mln asa memlekettik satyp alý rásimi qamtyldy. Tekserý qorytyndysy boıynsha 4,6 trln teńge somada buzýshylyqtar eskertildi. Myńnan asa aýdıtorlyq is-shara ótip, 603 mlrd teńge bıýdjet qarajaty aýdıtpen qamtyldy. 168 mlrd teńgege qarjylyq buzýshylyqtar anyqtaldy», - dedi mınıstr Úkimet otyrysynda.

Spıkerdiń aıtýynsha, taýar jetkizimin qalpyna keltirý, qyzmet kórsetý jáne jumystardy oryndaý, bıýdjetke óteý jáne esep berý boıynsha 162 mlrd teńgege buzýshylyqtar joıyldy.

«Aýdıt obektileri qyzmetin jetildirý jáne tıimdiligin arttyrý úshin 966 usynym berildi. Onyń ishinde 760-y oryndaldy», - dedi E. Jamaýbaev.