Memleketti modernızatsııalaý tek adamıtsentrıstik negizde júrgizilýi kerek – sarapshy

NUR-SULTAN. QazAqparat – Qazaqstandy ary qaraı modernızatsııalaý tek adamıtsentrıstik negizde júrgizilýi kerek. Qazaqstanda modernızatsııalaý men júıeli reformalar júrgizý máseleleri boıynsha qolǵa alynǵan analıtıkalyq zertteý serııasynyń jetekshisi Gúlbaný Pazylhaırova osyndaı pikir bildirdi, dep habarlaıdy QazAqparat tilshisi.

Aıta ketsek, búgingi onlaın baspasóz máslıhatynda Álemdik ekonomıka jáne saıasat ınstıtýtynyń sarapshylary eldi jańǵyrtý máseleleri boıynsha júrgizilgen júıeli saraptamalyq zertteý nátıjelerin tanystyrǵan bolatyn. Ǵylymı jobanyń basty qorytyndylary onlaın-kórsetilim barysynda tanystyryldy. Aýqymdy zertteý jumysy 2019 jyly QR Tuńǵysh Prezıdenti – Elbasy qorynyń tapsyrmasy boıynsha bastalǵan.

Onlaın rejımdegi baspasóz máslıhatynda joba jetekshisi Gúlbaný Pazylhaırova memleketti ary qaraı jańǵyrtý tek adamıtsentrıstik negizde, ıaǵnı reformalar «aldymen - adam» qaǵıdaty boıynsha ázirlenetin kezde ǵana múmkin ekenin atap ótti. Onyń aıtýynsha, koronavırýspen kúres eki mańyzdy belgi berdi.

«Birinshi belgi – osyndaı kezeńde úlken kólemdegi resýrs pen shara úılestiretin fýnktsıonaldy Úkimet qajet. Ekinshi belgi – memleketter ótken jyldarda túpkilikti ról, ıaǵnı qoǵamdyq ınfraqurylymdy tıisti jaǵdaıda ustap, ári damytýǵa asa kóńil bólýi kerek. Memlekettik sektorda mardymsyz ári mańyzdy emes dúnıelerden bas tartý qajet», - dep qorytyndylady Gúlbaný Pazylhaırova.

Aıta ketsek, ótken jyldan beri qazaqstandyq sarapshylar toby eldegi modernızatsııalaý máseleleri boıynsha keshendi ǵylymı-qoldanbaly zertteýler jumysyn bastaǵan bolatyn. Qazaqstandyq sarapshylar toby júıelik reformalar boıynsha óz usynystaryn jasady.