Memleketter osaldyǵy reıtınginde Qazaqstan 179 eldiń arasynda 116-shy boldy
Memleketter osaldyǵy boıynsha Qazaqstan 2021 jyly 179 eldiń ishinde 116-shy boldy. Qazaqstan osaldyǵynyń kórsetkishi – 61,2. Bul – qaýiptiliktiń birkelki deńgeıi.
Memleketterdiń osaldyǵy ındeksi eldiń belsendi konflıktke deıingi, konflıkt barysyndaǵy jáne odan keıingi pozıtsııasynyń álsizdigin baǵalaıdy. Indeks uıymshyldyq, ekonomıkalyq jáne saıası jaǵdaı, áleýmettik sala sııaqty tórt baǵytty, sondaı-aq eldiń osaldyǵyn ólsheý úshin qoldanylatyn konflıkt qateriniń 12 ındıkatoryn qamtıdy (qaýipsizdik apparaty, elıtalardyń fraktsııalarǵa bólinýi, toptyq narazylyq, ekonomıkalyq quldyraý, birkelki emes ekonomıkalyq damý, adamdardyń bas saýǵalap ketýi jáne elden kóshýi, memlekettiń legıtımdigi, qoǵamdyq qyzmetter, adam quqyqtary jáne zań ústemdigi, demografııalyq qysym, bosqyndar, syrtqy aralasý).
Kórsetkish qanshalyqty joǵary bolsa, el sonshylyqty álsiz degendi bildiredi.
Qazaqstannyń eldiń legıtımdiligi (8,2 upaı), toptyq kóńil tolmaýshylyq (8 upaı) jáne elıtalardyń fraktsııalarǵa bólinýi (7,6 upaı) boıynsha kórsetkishteri joǵary.
Eń osal elder reıtıngin Iemen, Somalı jáne Sırııa bastap tur.
TMD-nyń ózge elderiniń kórsetkishteri Qazaqstannan nashar bolyp shyqty. Qyrǵyzstan – 68, Ázerbaıjan jáne Tájikstan – 71, Reseı – 74, Ózbekstan – 80, Armenııa jáne Ýkraına – 91, Túrikmenstan – 97, Belarýs – 98 jáne Moldova 103-orynda ornalasqan.
Álemniń eń turaqty elderi retinde Fınlıandııa, Norvegııa jáne Islandııa ataldy.