Memleketten qarajat alý úshin jekemenshik joǵary oqý oryndarynyń jataqhanasy bolý shart
«Otandyq joǵary oqý oryndarynyń bilim sapasy artqan saıyn ondaǵy oqý aqysy da óse túsedi. Sondyqtan memleket ulttyq biryńǵaı testileýdiń nátıjesine jáne basqa da kórsetkishterge baılanysty bilim berý granttaryn ártúrli deńgeıde bólýdi josparlap otyr. Onyń kólemi 30-dan 100 paıyz aralyǵynda bolady. Bilim alýǵa jyldyq ósimi 2-3 paıyz bolatyn jeńildetilgen nesıe de beriledi. Bul sharalar joǵary bilimniń qoljetimdiligin arttyryp qana qoımaı, qoǵamda áriptestik jáne ózara jaýapkershilik qaǵıdatyn nyǵaıta túsedi», - dedi Memleket basshysy.
Sonymen qatar Prezıdent stýdentterdi jataqhanamen qamtamasyz etý máselesine toqtaldy.
«Bul túıtkildi sheshý úshin joǵary oqý oryndarymen jáne qurylys kompanııalarymen memlekettik-jekemenshik seriktestik ornatý tásilin barynsha engizý kerek. Sondaı-aq, barlyq máseleniń sheshimin tabýdy memlekettiń moınyna ilý durys emes dep sanaımyn. Sol sebepti memleketten qarajat alý úshin jekemenshik joǵary oqý oryndarynyń jataqhanasy bolý shart. Árıne, muny oqý oryndarynan birtindep talap etken jón. Stýdentterdiń jekelegen, áleýmettik turǵydan az qamtylǵan sanattary úshin páter jaldaýǵa ketetin shyǵynyn sýbsıdııalaý múmkindigin de qarastyrýǵa bolady», - dedi Qasym-Jomart Toqaev.
«Joǵary oqý oryndary janyndaǵy endaýment-qorlar bilim berý ekojúıesin damytýdyń negizgi býynyna aınalýǵa tıis. Maqsatty kapıtaldyń mundaı qorlary álemdegi ozyq ýnıversıtetterde ǵylymdy jáne ınnovatsııany qarjylandyrýdyń ózegi sanalady», - dedi Memleket basshysy.
Foto: gadgetshelp.com