Memleketpen birge azamattyq qoǵam da halyq únine qulaq asýy kerek - Asylbek Qojahmetov
«Qandaı da bir oqıǵa bola qalǵan kezde qapelimde, ásirese alǵashqy sátterde asyǵys sheshimder qabyldanyp ketýi múmkin. Alaıda meniń oıymsha, oqıǵaǵa qaraǵanda máseleniń túbi tereńde jatqan sekildi. Jalpy HHІ ǵasyrda adamdar arasyndaǵy alaýyzdyqtyń kúsheıip turǵanyn baıqaýǵa bolady. Al kez kelgen máselege ǵylymı turǵyda jaqyndap, áńgimelesip, aıyptyń anyq-qanyǵyn anyqtaý jaǵynan bizde másele barshylyq. Sol sebepti, istiń aq-qarasyn anyqtap, sabyrǵa kelgen jón dep esepteımin. Úkimettik komıssııa bolǵan oqıǵaǵa qatysty suraqtardyń bárine jaýap berer degen senimdemiz. Sonymen qatar bizdiń oıymyzsha, bul rette iske azamattyq qoǵamnyń aralasqany da mańyzdy ári paıdaly bolar degen oıdamyz», - dedi Asylbek Qojahmetov.
Alıans prezıdentiniń aıtýyna qaraǵanda, negizsiz aıyptar aıtylmaýy úshin qoǵamdaǵy qaqtyǵystardy retteýde azamattyq kúshterdiń áleýeti joǵary.
Jalpy Asylbek Qojahmetovtyń pikirine qulaq assaq, qoǵamnyń demokratııalyq ınstıtýttaryn ary qaraı damytý, tyńdaı bilý qajettigi týyndap otyr. ıAǵnı Qazaqstanda «halyq únine qulaq asatyn memleket» qana emes, sondaı-aq, «halyq únine qulaq asatyn» azamattyq qoǵam da bolýy kerek. Azamattyq qoǵam memlekettik organdardyń jumysyn tolyqtyra otyryp, azamattar birin-biri tyńdaı alatyndaı jigerlendire bilýi kerek. Bul baǵyttaǵy qadamdar týyndaǵan qaqtyǵystardy rettep, bolashaqqa senimmen qaraýǵa jol ashady.