Memleketke kelgen 523 mlrd teńge zalal ótelip, aktıvter elge qaıtaryldy - Bas prokýratýra

ASTANA. QazAqparat - Bas prokýratýrada ekonomıkalyq resýrstardy zańsyz shoǵyrlandyrýǵa qarsy is-qımyl máseleleri jónindegi komıssııanyń jumys tobynyń kezekti otyrysy ótti, dep habarlaıdy QazAqparat.

Kún tártibine munaı ónimderi, suıytylǵan munaı gazy jáne olardy tasymaldaý salasyndaǵy máseleler shyǵaryldy.

Atalǵan máseleni egjeı-tegjeıli talqylaý úshin «Qazmunaıgaz» UK AQ, «Qazaqstan temir joly» UK» AQ jáne «QazaqGaz» UK» AQ basshylary shaqyryldy.

Sondaı-aq keńeske Básekelestikti qorǵaý jáne damytý agenttiginiń, Energetıka mınıstrliginiń, Indýstrııa jáne ınfraqurylymdyq damý mınıstrligi Kólik komıtetiniń, «Samuryq-Qazyna» UÁQ» AQ basshylyǵy qatysty.

Elimizde otyn-energetıka kesheni men kólik naryqtarynyń monopolııalandyrylǵany, bul básekelesterge qoljetimdilikti shekteý, sońǵy ónimge joǵary marjany belgileý jáne artyq kiris alýǵa jaǵdaı jasaıdy.

Osyǵan baılanysty komıssııa olıgopolııa sýbektileriniń monopolııalyq jaǵdaıyn belgileýge jáne básekelestikti shekteýge ákep soqqan sheshimderge taldaý júrgizip jatyr.

Sondaı-aq kvazımemlekettik sektormen birlesip taýar naryqtaryn monopolııasyzdandyrý, ulttyq kompanııalar men onyń enshiles qurylymdarynyń zańsyz shyǵarylǵan aktıvterin qaıtarý boıynsha jumys is-qımyldardyń biryńǵaı algorıtmin paıdalana otyryp júrgiziledi.

Kezdesý qorytyndysy boıynsha osy jumystyń tıimdiligin arttyrýǵa baǵyttalǵan qosymsha quqyqtyq, uıymdastyrýshylyq jáne tehnıkalyq sharalar kesheni ázirlendi.

Kezdesý qorytyndysy boıynsha osy jumystyń tıimdiligin arttyrýǵa baǵyttalǵan qosymsha quqyqtyq, uıymdastyrýshylyq jáne tehnıkalyq sharalar kesheni ázirlendi.

Budan bólek, ashyqtyqty qamtamasyz etý jáne jumys nátıjeleri týraly halyqty jedel habardar etý úshin Komıssııanyń veb-saıty iske qosyldy.

Jalpy, komıssııanyń qyzmet etýi kezeńinde belgili bir nátıjege qol jetti.

Memleketke jalpy somasy 523 mlrd-tan astam teńge zalal ótelip, aktıvter qaıtaryldy, atap aıtqanda:

- qylmystyq isterdi tergep-tekserý aıasynda memleketke shamamen 518 mlrd teńge, onyń ishinde sheteldik ıýrısdıktsııalardan - 173 mln AQSh dollary óteldi;

- prokýrordyń aktileri boıynsha memleket kirisine 5 mlrd teńgeden astam somaǵa 75 myń ga jer qaıtaryldy;

- 600-den astam temirjol jáne olarǵa qatysty jer telimderi qaıtaryldy.